Emiratet e Bashkuara Arabe thirrën të ngarkuarin me punë të Suedisë në Abu Dhabi për të protestuar ndaj vendimeve të fundit që lejojnë djegien e librit të shenjtë mysliman në vendin nordik.
“Ministria e Punëve të Jashtme ka thirrur të ngarkuarin me punë në Ambasadën e Mbretërisë së Suedisë në Emiratet e Bashkuara Arabe dhe i ka dorëzuar asaj një notë zyrtare proteste kundër sulmeve dhe abuzimeve të përsëritura ndaj kopjeve të Kuranit të Shenjtë të kryera nga ekstremistët në Mbretërinë e Suedisë”, tha Ministria e Jashtme e Emirateve të Bashkuara Arabe.
Emiratet e Bashkuara Arabe shprehën dënimin e tyre të fortë për vendimin e qeverisë suedeze për të lejuar vazhdimin e akteve të tilla, duke theksuar se ai pasqyron një “mospërfillje të përgjegjësive ndërkombëtare dhe mungesë respekti për vlerat shoqërore”.
Kujtojmë që të enjten në mëngjes, një turmë irakianësh sulmuan Ambasadën e Suedisë në Bagdad dhe i vunë flakën në shenjë proteste kundër djegies së një kopje të Kuranit më 28 qershor muajin e kaluar nga Salëan Momika, një burrë i lindur në Irak, i cili tani jeton në Suedi./abcnews.al
