Të tjera detaje tronditëse janë zbardhur pas ngjarjes së rëndë në Selanik të Greqisë, ku një 39-vjeçar masakroi me thikë në bashkëpunim me një shokun e tij partneren shtatzënë, 41-vjeçaren Gjerogjia Murati.
Mediat greke shkruajnë se 39-vjeçari, është dënuar katër herë në të kaluarën për rrahje të motrës së tij, si dhe është proceduar penalisht edhe për përdhunim dhe akte seksuale ndaj saj.
Po ashtu, mësohet se, kallëzime për abuzim ndaj 39-vjeçarit ka bërë edhe ish-bashkëshortja e tij, me të cilën kanë së bashku dy fëmijë.
Konkretisht, ai është dënuar në mënyrë të parevokueshme për rrahjen e motrës së tij me:
– 2 vjet e 3 muaj në vitin 2021 për dëmtim të rrezikshëm trupor në familje dhe armëmbajtje pa leje;
– Deri në nëntëmbëdhjetë muaj në vitin 2022 për dëmtim trupor në familje, kanosje në familje dhe abuzim verbal;
– 13 muaj burg në vitin 2023 lëndimi trupor dhe kërcënimi në familje;
– 6 muaj në vitin 2021 për kërcënim në familje;
“I akuzuari është akuzuar nga drejtori ynë dhe motra e tij për nëntë akuza për dhunë në familje, kërcënime ndaj jetës së saj dhe mbajtje të armëve. Katër prej tyre tashmë janë gjykuar dhe janë dhënë një numër i barabartë dënimesh të parevokueshme, me të cilat i pandehuri është dënuar gjithsej me më shumë se pesë vjet”, tha avokati që përfaqëson motrën e 39-vjeçarit.
LEXO EDHE:
