OpenAI paraqiti të enjten një lloj të chatbot-it të tij të njohur ChatGPT me çmim 200 dollarë në muaj, që mund të përdoret në fushat inxhinierike dhe për kërkime shkencore, pasi firma e AI kërkon të zgjerojë aplikacionet e industrisë për teknologjinë e saj.
Niveli i ri, i quajtur ChatGPT Pro, do jetë përveç abonimeve ekzistuese të OpenAI të ChatGPT Plus, Team dhe Enterprise. Ai nënvizon ambiciet e firmës për të komercializuar më tej teknologjinë e saj, e cila nisibumin e AI.
ChatGPT Pro do lejojë qasjen në mjetet më të përparuara të OpenAI, duke përfshirë qasje të pakufizuar në modelin e ri të arsyetimit o1, o1 mini, GPT-4o dhe zërin e avancuar, tha kompania. Abonimi përfshin gjithashtu modalitetin o1 pro, një lloj që përdor fuqi shtesë kompjuterike për të zgjidhur pyetje më të ndërlikuara.
OpenAI tha se modaliteti o1 pro paraqitet më mirë në standardet e mësimit të makinerive në matematikë, shkencë dhe kodim krahasuar me llojet o1 dhe o1-preview.
