Bilall Kasami, kryetar i komunës së Tetovës, ka marrë në Tiranë çmimin“Grand Excellence 2024” për kontributin e tij në fushën kulturës.
Ky çmim iu jepet individëve dhe liderëve që kanë dhënë kontribut të veçantë në fusha të ndryshme, ndërsa Kasami është çmuar për mbështetjen e tij për kulturës shqipe dhe posaçërisht librin shqip.
“Sonte, me ndjenja të thella mirënjohjeje dhe përulësie, pata nderin të marr çmimin “Grand Excellence 2024″ në Tiranë. Një mirënjohje që vlerëson angazhimin tonë të përbashkët për të mbështetur kulturën shqipe dhe posaçërisht librin shqip. Kjo është një dëshmi e forcës së rrënjëve tona dhe e rëndësisë së bashkëpunimit kulturor mes trojeve tona dhe diasporës shqiptare në perëndim. Aktivitetet kulturore, ruajtja e gjuhës dhe traditave tona janë themeli mbi të cilin qëndron identiteti ynë kombëtar.
Ky çmim nuk është vetëm i imi, por i të gjithë atyre që kontribuojnë çdo ditë për të mbajtur gjallë shpirtin shqiptar, brenda dhe jashtë kufijve. Falënderime të sinqerta për besimin dhe mbështetjen tuaj të vazhdueshme!
Tetova jonë, zemra jonë – gjithmonë në shërbim të kombit dhe kulturës sonë!”, ka shkruar Kasami.
