Një 22-vjeçar me origjinë shqiptare nga Vajont (Pordenone) ka humbur jetën tragjikisht në Itali. Ngjarja ka ndodhur në zonën e njohur si Maniago, ku i riu shqiptar, Daniel Tafa, ishte duke punuar në një fabrikë stampimi të ingranazheve industriale. Gjatë punës, një copë e nxehtë metali shpërtheu dhe e goditi atë në shpinë, duke i shkaktuar vdekjen.
Shkaku i këtij aksidenti ende nuk është i qartë, dhe hetimet po vazhdojnë për të kuptuar nëse ka qenë një defekt në makineri apo një gabim nga ana e të riut. Autoritetet kanë nisur hetimet dhe karabinierët kanë sekuestruar uzinën dhe makinerinë e përfshirë në aksident. Po ashtu, pronari i fabrikës është marrë në pyetje për të sqaruar ngjarjen.
Sipas raportimeve të mediave vendase, Daniel Tafa kishte festuar ditëlindjen e tij, një ditë para aksidentit, duke mbushur 22 vjeç.
@tetovanews
@tn.lajmelokale
