Drejtori i Zyrës për Kosovën në Qeverinë e Serbisë, Makro Gjuriq, ka deklaruar se Beogradi zyrtar mbështet serbët e Kosovës, për të filluar formimin e Asociacionit të Komunave me Shumicë Serbe.
Gjuriq ka thënë se formimi i këtij asociacioni është i drejtë, pasi që bëhet sipas marrëveshjes së arritur në Bruksel mes Kosovës dhe Serbisë, shkruan RTS, përcjell Klan Kosova.
Sipas tij këtë nismë të serbëve në Kosovë e mbështet edhe Rusia. Gjuriq ka thënë se presidenti rus, Vladimir Putin dhe zyrtarë të tjerë rusë, kanë inkurajuar serbët që ta themelojnë asociacionin.
