Punonjësit e sektorit publik në Francë u bashkuan me punëtorët hekurudhor në një protestë të madhe në Paris kundër reformave të planifikuara nga Presidenti Emmanuel Macron. Ata i konsiderojnë reformat një “sulm” ndaj shërbimeve civile dhe sigurisë së tyre ekonomike.
Sot ishte dita e tretë e demonstratave të mëdha të punonjësve të sektorit publik kundër Presidentit që francezët zgjodhën vitin e shkuar. Macron ka premtuar të reduktojë shpenzimet publike, të reduktojë vendet e punës dhe të reformojë pjesë të mëdha të shtetit të madh francez.
Të gjitha sindikatat që përfaqësojnë shërbyesit civilë kanë mbështetur grevën e së martës, një shfaqje e unitetit për herë të parë pas rreth 10 vitesh.
Largimi i tyre preku shkollat dhe qendrat e përkujdesjes, fluturimet dhe infrastrukturën e energjisë, ndërkohë që transporti publik u ndërpre gjithashtu pasi disa punonjës morën pjesë përpara raundit të ardhshëm të grevave dy-ditore në operatorin kombëtar hekurudhor SNCF.
“Është një mesazh në mbrojtje të shërbimeve publike, që do të thotë një koncept tjetër i shoqërisë franceze sesa ai i mbajtur nga presidenti”, tha udhëheqësi i sindikatës CGT Philippe Martinez, në një marshim me mijëra njerëz në Paris.
Të paktën 16 mijë 400 persona demonstruan në kryeqytetin francez.
Disa mijëra protestues u mblodhën gjithashtu në qytete të tjera, duke përfshirë rreth 4,500 në Lyon sipas policisë. Deri në 140 demonstrata priten në të gjithë vendin.
Qeveria e qendrës së Macronit planifikon reforma në sektorin publik vitin e ardhshëm, i cili do të çonte në përdorimin më të madh të punëtorëve të kontraktuar për disa shërbime dhe një ulje prej 120,000 vendesh pune pune në sektorin publik në 2022 nga 5.6 milionë gjithsej.
Shumë nëpunës civilë druajnë se qeveria ka në plan të heqë statusin e tyre të posaçëm dhe privilegjet e punës, një masë që tashmë është shpallur për rekrutët e rinj në hekurudhat shtetërore, SNCF. Policët grevistë gjithashtu kërcënuan trafikun në rrugën unazore përreth Parisit për të mbrojtur statusin e tyre dhe përfitimet e daljes në pension.
Nga ana tjetër, sondazh i publikuar nga “Le Figaro” tregon se 49% e francezëve nuk mbështesin protestat e punonjësve publik.
Franca ka një nga sektorët më të mëdhenj publikë në Evropë në krahasim me madhësinë e ekonomisë së saj. Vendi nuk e ka balancuar buxhetin e tij që nga vitet 1970, duke çuar në një borxh publik të barabartë me gati 100 përqind të PBB-së.
Sindikatat akuzojnë Macron, një ish-bankier investimesh, se dëshiron të shkatërrojë shërbimet publike – burim jetësor i punësimit dhe një shtyllë e jetës komunale në shumë pjesë të vendit.
Sindikatat shpresojnë se pjesëmarrja do të jetë më e lartë se dita e fundit e aksionit më 22 mars, kur rreth 300,000 vetë u mblodhën në mbarë vendin.
Protestat vijnë përpara një “valë popullore” të kërkuar të shtunën nga dhjetëra shoqata, partitë e majta dhe sindikatat për të mbështetur punëtorët grevistë dhe për ta bërë Macron “të kthehet pas”.
