Identiteti i pilotit të aeroplanit që ndërroi jetë gjatë një zbarkimi urg*jent në Rostov u bë i njohur Me sa duket, 49-vjeçari Damir Ahmetov pësoi një go*ditje në tru. Gjatë fluturimit nga Moska për në Anapa, 49-vjeçari Damir Ahmetov ishte në vend të pilotit të dytë,transmeton Tetova News sipas njoftimeve më të fundit nga shtypi rus.
Në vazhdim keni informacionin nga rt dhe ria novosti.
Ekuipazhi i një avioni pasagjerësh rus bëri thirrje në mënyrë të dëshpëruar për ndihmë mjekësore pasi një pilot pësoi një problem shëndetësor në mes të fluturimit. Siç shkruan RT, piloti ndërroi jetë menjëherë pasi avioni bëri një ulje emergjente.
Shkaku i vde*kjes është i paqartë, por besohet që piloti të ketë pësuar një su*lm në zemër ose mpiksje gja*ku. RIA Novosti raporton se piloti ishte ankuar më herët për dhimbje në gjoks.
Një prej pasagjerëve, Yelena Voronova, tha për mediat se një stjuardesë njoftoi me altoparlant se një anëtar i ekuipazhit po ndjehej keq.
“Një stjuardesë praktikisht vrapoi mes rreshtash. Ata më vonë pyetën nëse kishte ndonjë mjek në bord dhe thanë se vërtet kishin nevojë për të. Pastaj ata pyetën përsëri”– tha Voronova, citon RT.
Një zëdhënës tha se bashkë-piloti i ndjerë kishte kaluar një kontroll rutinor mjekësor para fluturimit por “nuk kishte asnjë tregues shëndetësor që ta ndalonte atë të pilotonte avionin”.
Avioni ishte nisur të dielën në mëngjes nga aeroporti i Moskës “Sheremetyevo” dhe do mbërrinte në Anapa, por iu desh të bënte një ulje emergjente në Rostov-on-Don.
