Kryepeshkopi Anastas Janullatos infektohet me COVID-19. Ai është nisur urgjencë drejt Athinës. Në 27 qershor Kryepeshkopi Janullatos u operua në zemër.
Kryepeshkopi i Kishës Ortodokse Autoqefale të Shqipërisë Anastas Janullatos rezultoi pozitiv me COVID-19.
Një avion ambulancë i ushtrisë u nis nga Greqia për në Tiranë për ta marrë kryepeshkopin në spital drejt Athinës. Sipas informacioneve, Janullatos ka simptoma të lehta.
Kryepeshkopi i Kishës Autoqefale Shqiptare, Anastas Janullatos ka lënë një mesazh prekës para ikjes në Athinë. Ai mbërriti në spitalin Evangelismos i futur brenda një kapsule.
Janullatos thotë se pjesëmarrja në dhimbjen e përbashkët është dhuratë e Perëndisë teksa kërkon mos krijohet shqetësim.
Në fund me një fjali prekëse ai thotë se edhe nëse jetojmë, edhe nëse vdesim, të Zotit jemi.
“Pjesëmarrja në dhimbjen e përbashkët është dhuratë Perëndie. Mos u shqetësoni, gjithçka do të kalojë. Edhe nëse jetojmë, edhe nëse vdesim, të Zotit jemi”, tha Kryepeshkopi Anastas, ndërsa u largua për në spital.
Ky është momenti kur kryepeshkopi i Kishës Ortodokse Autoqefale të Shqipërisë Anastas Janullatos ka mbërritur në Greqi.
Nga pamjet, Janullatos ka mbërritur në Greqi i kapsuluar. Ai ka rezultuar pozitiv me koronavirus më herët gjatë ditës së sotme. Mësohet se ai ka qenë në gjendje të mirë shëndetësore.
