Franca i është bashkuar shteteve të cilat kanë ndaluar përdorimin e vaksinës së AstraZeneca.
Vendimi i Francës është i ngjashëm me atë të Gjermanisë, për të pezulluar përdorimin e vaksinës si masë paraprake.
Pikërisht ka qenë Presidenti francez, Emmanuel Macron që e ka bërë të ditur lajmin. Franca bëhet shteti i radhës pas Gjermanisë, Italisë, Irlandës, Islandës, Norvegjisë, Danimarkës, Bullgarisë dhe Rumanisë që ndalon vaksinën AstraZeneca e cila dyshohet se shkakton mpiksje gjaku në trup që çon deri në fatalitet.
Tashmë gjithë shtetet e sipërpërmendura presin një rivlerësim nga EMA për vaksinën AstraZeneca, duke qenë se ishte Agjencia Europiane që e lejoi përdorimin e saj.
