Publikimi i më shumë se 1500 faqeve të dokumenteve hedh dritë mbi punën e një programi sekret të Pentagonit që kaloi pesë vjet duke studiuar alienët dhe të ardhmen në hapësirë. Udhëtimi në kohë dhe teknologjia kundër gravitetit mund të jenë brenda mundësive të njeriut dhe mund të na ndihmojnë të vizitojmë botë të tjera, sipas dokumenteve të publikuara nga Pentagoni.
1500 dosjet hedhin dritë mbi Programin e Avancuar të Identifikimit të Kërcënimeve të Aviacionit (AATIP), i cili ishte programi sekret i UFO- ve i Pentagonit. Publikimi i tyre erdhi pas një beteje ligjore katërvjeçare pas një kërkese për Lirinë e Informacionit nga The Sun Online. Në një nga dokumentet shqyrtohet mundësia se si teknologjia kundër gravitetit mund të përdoret për të bërë aeroplanë dhe anije kozmike, shkruan Daily Star.
Ekziston gjithashtu mundësia të prodhohen fenomene ekzotike si udhëtimi më i shpejtë se drita dhe makinat e kohës.” Dokumenti shton se “vrimat” në hapësirë-kohë mund të përdoren për udhëtime ndëryjore. Dokumentet, të cilat janë përshkruar nga The Sun si një “bombë”, janë publikuar nga Agjencia e Inteligjencës së Mbrojtjes së SHBA.
Ato përfshijnë plane për dërgimin e shumë anijeve kozmike të drejtuara nga një pilot i vetëm për të “kolonizuar” hapësirën e thellë së bashku me studimet se si njerëzit mund të përdorin robotët me mendjen e tyre. Ai tregon se një person i vetëm mund të kontrollojë jo më shumë se katër anije kozmike në një mision, por shikon nëse truri ynë mund të zhvillohet për ta përmirësuar këtë.
