Princi i Kurorës i Arabisë Saudite, Mohammed bin Salman, u pa duke festuar fitoren e vendit të tij ndaj Argjentinës në Kupën e Botës, në fotot e shpërndara në Instagram nga vëllai i tij Princi Saud.
I pari në radhë për fronin saudit mund të shihet në një imazh duke përqafuar vëllanë e tij teksa shikonte ndeshjen me anëtarët e tjerë të familjes.
Në një imazh tjetër, Princi Mohammed shihet duke u larguar nga televizori për t’u gjunjëzuar në lutje.
Gjithashtu duke parë ndeshjen me Princin e Kurorës dhe Princin Saud ishte edhe vëllai më i madh Princi Abdulaziz, i cili shërben si Ministër i Energjisë i Mbretërisë.
Arabia Saudite tronditi botën sportive kur kombëtarja e saj mposhti gjigantët e futbollit Argjentinën 2-1 në ndeshjen e tyre të parë të Kupës së Botës të martën.
Ndërsa ishte paraqitja e 18-të në turneun më të madh të futbollit për skuadrën argjentinase, Arabisë Saudite u kualifikua vetëm për herë të gjashtë.
Argjentina ishte favorite e madhe për të fituar, por përfundoi duke humbur pasi tre gola u anuluan në pjesën e parë për shkak të pozitës jashtë loje.
Arabia Saudite hyri fuqishëm në fillimin e ndeshjes së dytë, duke shënuar dy herë radhazi dhe duke e lënë Argjentinën të paaftë për t’u rikuperuar.
Humbja e papritur shkatërroi serinë e fitoreve prej 36 ndeshjesh të Argjentinës në një Kupë Bote që ka të ngjarë të jetë e fundit për sulmuesin yll Lionel Messi./Al Arabiya (Në shqip: Tetova News)
