Në Gjykatën Penale në Tetovë, nën shoqërimin e policisë, u soll 17-vjeçarja e cila dyshohet se ka vrarë 16-vjeçarin B.S. nga Novosella. Ajo dëshmoi para gjykatësit duke mohuar akuzat për vrasje.
“Gjatë marrjes në pyetje, vajza ka mohuar veprën dhe ka thënë se janë të implikuar dy persona tjerë, të cilët nuk i ka identifikuar. E mitura mohoi çfarëdo lloj implikimi apo veprimi që ka shkaktuar pasojat e vdekjes tek i mituri B.S. Nga përmbajtja e deklaratës së saj mund të konstatohet një zhvendosje e pistës së hetimit në më së paku dy persona të tjerë deri më tani të pa identifikuar.
Gjatë mbajtjes së seancës shokët dhe shoqet e viktimës nga shkolla e mesme ekonomike protestuar duke kërkuar sa më parë ndriçim të rastit.
“Nuk e dimë se si ka ndodhur si rast, por na ka tronditur të gjithëve, na ka djegur edhe shpirtin se e kemi pas më shumë se shok dhe duam që e drejta të dalë dhe nuk duhet të heshtim nëse kjo e keqe të mbetet pa u dënuar.”
“Drejtësi për vëllain tonë Beharin. Nuk na trondit vetëm neve, por heshtja është bashkëpunim në vrasje. Jo gjithçka mund të falet, por jo vrasja. Vrasësit nuk kanë arsye, por kanë një emër. Ka qenë një nxënës shumë i rregullt shembullor për ne. Nuk e kemi pritur se do ketë një kësi rezultat nga një djalë si Behari.”
Ditë më parë 16 vjeçari B.S. u gjet i vdekur në lumin “Shkumbin” në Banjën e Tetovës, ndërsa më pas si e dyshuar u ndalua 17 vjeçarja. Nga prokuroria dhe policia janë duke punuar në mbledhjen e provave dhe dëshmive për të zbardhur këtë rast tragjik.
Tetovë, vajza mohon se e ka vrarë 16-vjeçarin, thotë se janë të implikuar edhe dy persona
E dyshuara për vrasjen e 16-vjeçarit nga Novosella gjatë marrjes në pyetje në Gjykatën Themelore në Tetovë ka mohuar veprën, përcjell TV21. Sipas avokatit Ibrahim Bajrami, vajza 17 vjeçe ka thënë se janë të implikuar dy persona tjerë, të cilët nuk i ka identifikuar.
“Brenda fazës së filluar hetimore , e dyshuara e mitur A.I dha deklaratën e parë zyrtare para gjykatësit për fëmije, prokurorit , punonjësve social edhe prindit të fëmijës me ç`rast e mitura mohoi çfarëdo lloj implikimi apo veprimi që ka shkaktuar pasojat e vdekjes tek i mituri B.S. Nga përmbajta e deklaratës së saj mund të konstatohet një zhvendosje e pistës së hetimit në më së paku dy persona të tjerë deri më tani të pa indetifikuar. Besojmë që prokuroria pas një ekzaminimi të plotë të vendit të ngjarjes, sigurimit të provave do të arrijnë të bëjnë zbardhjen e rastit dhe kryerësit të vërtetë të veprës penale dhe të vihen para drejtësisë. Njëkohësisht në emër të familjes edhe në emrin tim personal shpreh ngushëllime për humbjen e të riut familjarëve edhe shokëve të klasës .Për hirë të zbardhjes së rastit lus faktorët relevant që të respektojnë prezumimin e pafajësisë të klientit që përfaqësoj unë”, tha avokati I vajzës së mitur Ibrahim Bajrami./tv21.tv
