Një vajzë 10-vjeçare është gjetur e gjallë në orën e 90-të pas tërmetit në Turqi, sipas Zjarrfikësve të qytetit të Antalias.
Vajza 10-vjeçare Hilal Sağlam është bllokuar nën rrënojat e një ndërtese në provincën Hatay. Ekipet e shpëtimit “dëgjuan tinguj nga nën rrënoja” dhe shpëtuan Sağlam pas shtatë orësh kërkimi nëpër rrënoja, thuhet në deklaratë.
Sipas zjarrfikësve të qytetit të Antalias, gjëja e parë që vajza 10-vjeçare kërkoi pasi u shpëtua ishte qumështi.
Vogëlushja e plagosur është futur në barelë me gëzim dhe duartrokitje të ngrohta. Më pas vajza është dërguar me ambulancë në spital për mjekim”- shtoi zjarrfikësja.
Operacionet e shpëtimit nga tërmeti vazhdojnë në 10 provinca të Turqisë të prekura nga fatkeqësia e 6 shkurtit.
CNN raportoi se tre vajza midis moshës 5 dhe 10 vjeç u gjetën të gjalla nën rrënoja gjatë një operacioni kërkim-shpëtimi në Kahramanmaras më 9 shkurt. Në mesin e këtyre 3 vajzave është Hilal Sağlam.
Pasi u nxorr nga rrënojat në orën e 90-të që nga goditja e tërmetit, vajza e vogël Hilal Sağlam pësoi gërvishtje të vogla. CNN e përshkroi operacionin e shpëtimit si një “operacion shpëtimi mrekulli”.
Dy vajzat e tjera janë ende të bllokuara dhe po flasin me ekipin e kërkim-shpëtimit ndërsa presin shpëtimin.
Në Adiyaman, 17-vjeçarja Gulsum Yesilkaya u shpëtua më 9 shkurt pas një operacioni shpëtimi 27 orësh. Ajo u dërgua direkt në një ambulancë.
https://youtu.be/tMtUUlqNKYg
Në të njëjtën ditë, më 9 shkurt, u shpëtua edhe 23-vjeçari Yigit Akar. Sipas agjencisë shtetërore turke të lajmeve Anadolu, Akar u bllokua në rrënojat e një ndërtese në zonën e banimit Camlica në lagjen Islahiye të Gaziantep.
Një tjetër 21-vjeçar, Fuat Camber, u shpëtua nga rrënojat e një ndërtese në Hatay 84 orë pas tërmetit. Autoriteti i Zjarrfikësve Metropolitane të Antalias konfirmoi se i riu u dërgua direkt në spital pasi u nxor nga rrënojat.
14-vjeçari shpëtohet 86 orë pas tërmetit:
