LAJM I PËRDITËSUAR:Mbi 500 të vdekur në Turqi dhe Siri nga tërmeti më i madh i këtij shekulli në këtë rajon
Më shumë se 500 njerëz kanë humbur jetën në dy vende pasi një tërmet i fuqishëm me magnitudë 7.8 goditi Turqinë jugore herët të hënën.
Të paktën 284 persona kanë vdekur dhe më shumë se 2,300 janë plagosur në Turqi, sipas nënpresidentit të vendit Fuat Oktay.
Në Siri, të paktën 237 njerëz u vranë dhe 639 u plagosën, njoftoi agjencia shtetërore siriane e lajmeve SANA, duke cituar një zyrtar të Ministrisë së Shëndetësisë.
Numri i përgjithshëm i të vdekurve në Turqi dhe Siri tani është të paktën 521.
Tërmeti është një nga më të fortët që ka goditur Turqinë në më shumë se 100 vjet dhe shkaktoi lëkundje në të gjithë rajonin, duke shembur ndërtesa dhe duke i bërë banorët të vrapojnë në rrugë.
Më shumë se 1,700 ndërtesa u dëmtuan në 10 qytete turke, tha zëvendëspresidenti turk.
Sipas të dhënave të AFAD, një tërmet me magnitudë 7.4 ka ndodhur në lagjen Pazarcık të Kahramanmaraş.
Tërmeti i ndodhur në orën 04:17 minuta është ndjerë nga shumë pjesë të vendit. Duke bërë një deklaratë pas tërmetit, Presidenti Erdoğan tha: “Të gjitha njësitë tona përkatëse janë në gatishmëri nën koordinimin e AFAD. Ministria jonë e Brendshme dhe Shëndetësia, AFAD, Guvernatorët dhe të gjitha institucionet e tjera kanë nisur me shpejtësi punën e tyre.” Ministri Soylu tha: “Të gjitha ekipet tona janë në gatishmëri. Ne kemi vënë alarmin e nivelit të katërt. Ky është një alarm që përfshin ndihmën ndërkombëtare.”
Sipas të dhënave të AFAD-it, një tërmet me magnitudë 7.4 ballë ka ndodhur në orën 04:17 minuta. Tërmeti, epiqendra e të cilit ishte në lagjen Pazarcık të Kahramanmaraş, ndodhi 7 km nën tokë.
Tërmeti është ndjerë në shumë qytete, veçanërisht në Malatya, Gaziantep Diyarbakır, Adıyaman. Pas tërmetit, ekipet vazhdojnë punën intensive në rajon./tetova.com
https://youtu.be/WA0PHsdkHUM
Ora 07:42 AFAD: Pas tërmetit kanë ndodhur 42 pasgoditje, më e madhja prej të cilave ka qenë me magnitudë 6.6 ballë.
https://youtu.be/3x9BWWEEaag
Ora 07:30 AFAD: Është e një rëndësie të madhe që qytetarët tanë të mos i besojnë informacioneve të pabazuara të shpërndara me dashje apo pa dashje në media të ndryshme, veçanërisht në rrjetet sociale dhe të ndjekin burimet zyrtare për informacion të saktë.
Foto:
Foto:
