Sipas “Fridays for Future”, më shumë se 220,000 njerëz demonstruan dje në mbi 250 vende në të gjithë Gjermaninë për më shumë mbrojtje klimatike. Vetëm në Mynih, 32,000 njerëz dolën në rrugë, në Berlin rreth 18,000 njerëz dhe në Hamburg më shumë se 12,000, tha zëdhënësja Annika Rittmann.
Sindikata Verdi ishte gjithashtu e përfshirë në shumë vende në Gjermani. Ajo kishte bërë thirrje për greva paralajmëruese në transportin lokal në disa shtete federale – ku transporti publik ishte i paralizuar në shumë rajone. Sipas Verdit, gjithsej 60,000 punonjës e lanë punën e tyre.
Një valë e re grevesh të punonjësve të shërbimeve publike bllokoi dje transportin publik në shumë qytete gjermane dhe greva të reja janë paralajmëruar për javën e ardhshme.
Në qytetet e shteteve federale të Baden-Württemberg,Nordrhein-Westfalen, Saksoni dhe Hesse, transporti publik është pezulluar plotësisht. Ndalesa e punës është e koordinuar mes sindikatës së punonjësve të sektorit publik “Verdi” dhe lëvizjes mjedisore “E premte për të ardhmen”, e cila zhvilloi dje protesta në të gjithë Gjermaninë.
“Fridays for Future” me një aksion të përbashkët me sindikatat përmes protestave në rreth 200 qytete dëshiron të vërë në dukje rëndësinë e transportit urban në procesin e ndryshimit të aksesit në trafik. “Duam të theksojmë rëndësinë e transportit publik në luftën kundër ndryshimeve klimatike”, njoftuan Verdi dhe “Fridays for Future”.
Aktivistët e mjedisit po kërkojnë investime më të mëdha në transportin publik dhe shkurtime në autostrada dhe industrinë e automobilave. Në Berlin, sindikata Verdi ka shpallur greva të punonjësve të shërbimit publik për të hënën dhe të martën. Punonjësit e spitaleve, shërbimeve të administratës së qytetit dhe pishinave duhet të marrin pjesë në grevë.
Shoqata e punëdhënësve të Berlinit KAV i kritikoi këto greva si të papërshtatshme, duke vënë në dukje negociatat e vazhdueshme. Negociatat mes Verdit dhe punëdhënësve nisën në janar. Verdi kërkon rritje pagash me 10.5 për qind, pra të paktën 500 euro bruto në muaj për rreth 2.5 milionë të punësuar në shërbimet publike.
Deutschlandweit sind wir heute in über 250 Orten auf der Straße. Gemeinsam mit den Beschäftigten im ÖPNV streiken wir für eine soziale und klimagerechte Verkehrswende! 🥳🚌 pic.twitter.com/x5hjo59Rd9
— Fridays for Future Germany (@FridayForFuture) March 3, 2023
