Marrja e pengjeve në farmaci: Operacion në shkallë të gjerë dhe shqetësim në Karlsruhe
Mediat gjermane raportojnë se një krizë pengjesh është duke u zhvilluar në një farmaci në qytetin Karlsruhe në Gjermaninë jugperëndimore.
Shërbimet e urgjencës ndodhen në vendngjarje për një pengmarrje në një farmaci në rrugën Etlinger. “Situata aktuale është e paqartë, më shumë informacion së shpejti”, shkroi policia lokale në Twitter. Nuk dihet ende se sa persona janë aktualisht në farmaci, pra sa pengje janë.
Gjithçka filloi në orën 16:30. Deutsche Welle raporton se policia ka rrethuar zonën përreth farmacisë që ndodhet në qendër të Karlsruhes dhe mësohet se policia ka vendosur kontakte me personin e dyshuar për marrjen e pengjeve.
Karlsruhe, jo shumë larg kufirit francez, është një qytet me rreth 300,000 banorë dhe shtëpia e Gjykatës Federale të Drejtësisë, gjykata më e lartë e Gjermanisë. Policia u bëri thirrje banorëve të qëndrojnë larg zonës dhe ata që nuk mund të arrijnë në shtëpitë e tyre mund të strehohen në një shkollë aty pranë.
Incidenti vjen pas një sulmi vdekjeprurës mbrëmjen e djeshme në një sallë të Dëshmitarëve të Jehovait në Hamburg./tetova.com
Veranstaltungen in der Karlsruher #Schwarzwaldhalle und im #Konzerthaus am heutigen Abend können aufgrund der aktuellen #Einsatzlage leider nicht erreicht werden. Wir bitten von der Einsatzörtlichkeit fern zu bleiben.
Eure #Polizei #Karlsruhe #KA1003
— Polizei Karlsruhe (@Polizei_KA) March 10, 2023
