Hatay – Një qen u shpëtua nga rrënojat 25 ditë pas tërmetit
Qeni i quajtur ‘Fistiku’, i cili mbeti në rrënojat e bllokut të apartamenteve Dökmeci, i cili u shkatërrua në Akevler të distriktit Antakya të Hatayit, i goditur nga tërmeti me epiqendër në Kahramanmaraş dhe duke u mbajtur në jetë me ushqimin në kontejnerin e tij, u shpëtua nga ekipet e AFAD-it të Erzurumit në ditën e 25-të.
Ekipet e AFAD-it të Erzurumit, që shkuan në Hatay, i goditur nga tërmetet 7.7 dhe 7.6 ballë me epiqendër në Kahramanmaraş, vazhdojnë punën e tyre në rajon. Pas njoftimit të qytetarëve, ekipet që punojnë në rrënojat e lagjeve në rrethin e Antakias kanë kontrolluar mbrëmjen e djeshme ndërtesën 4-katëshe Dökmeci në lagjen Akevler.
Me zhurmën e qenit që vinte nga rrënojat, oficerët intensifikuan kërkimet në katin e parë të pallatit. Ekipi i AFAD-it arriti në orën 20:30 te një qen i bardhë dhe e nxorri atë nga vendndodhja. Qeni, i cili u konstatua se ishte në gjendje të mirë shëndetësore, iu dorëzua veterinerit në rajon.
Mësohet se qeni, i cili i përkiste banorit me emrin Mustafa Erkaya, i cili jetone në banesën në katin e parë të ndërtesës Dökmeci dhe quhej ‘Fistik’, ka arritur të mbijetojë me ushqimin e mbetur në kontejnerin e tij. Ekipet e AFAD gjetën edhe trupin e pajetë të Mustafa Erkaya-s, i cili humbi jetën nën rrënoja në dhomën tjetër të shtëpisë./tetova.com
