Manchester City ka fituar për herë të parë në histori Ligën e Kampionëve, pasi këtë finale mposhti Interin me rezultatin 1-0.
Ndeshja që nisi në ora 21:00, solli një lojë të kujdesshme nga të dyja anët, por Nerazzurët kishin një start befasues, pasi dilnin më shpesh përpara.
Rasti i parë serioz ishte në minutën e 27-të, kur Erling Haaland ishte afër të shënonte, mirëpo Andre Onan bëri një pritje fantastike.
Më pas, Manchester Cityt pësoi një moment shokues, kur u detyruan të bënin zëvendësim të detyrueshëm, pasi Kevin de Bruyne u detyrua të lëshonte fushën.
45 minutat e dyta kishin një pamje tjetër, pasi dy skuadrat tentonin që sa më parë të kalonin në epërsi.
Rasti ideal deri në këta minuta për Interin e kishte Lautaro Martinez, që bëri një gabim në minutën e 58-të, pasi nuk vendosi të pasonte te Romelu Lukaku që ishte i lirë, ndërsa vendosi të gjuante vetë, mirëpo Ederson e priti gjuajtjen e tij.
Në minutën e 68-të, Manchester Cityt ia doli të kalonte në epërsi nga një aksion që nuk pritej fare, ku Rodri e futi topin në rrjetën e Nerzzurëve.
Dy minuta më vonë, Interi lëshoi një mundësi të artë për barazimin e rezultatit, pasi Federico Dimarco gaboi në pasimin e tij final, ndërsa bashkëlojtarët e tij prisnin në zonë.
Manchester City më pas pati një shans ideal për të shënuar edhe golin e dytë, kur Phil Foden (78’) lëshoi një goditje të lehtë, që u prit nga Onana.
Citizens ia dolën të mbanin këtë epërsi deri në fund, për të ngritur për herë të parë trofeun e Ligës së Kampionëve, në finalen e tyre të dytë në këtë kompeticion.
Manchester Cityt bëhet skuadra e dytë angleze që fiton tripletën, pas ekipit të Manchester United në vitin 1998/99, duke e futur veten tani në një klub elitar në skenën e futbollit botëror pas këtij suksesi.
