Parlamenti ukrainas miratoi sot një projekt-ligj të diskutueshëm të rekrutimit, i cili nuk parashikon një afat për çmobilizimin e ushtarëve.
“U krye! Ligji për rekrutim u miratua. 283 deputetë votuan pro”, raportoi deputeti Oleksiy Goncharenko në Telegram.
Ukraina, e përballur me mungesën e ushtarëve vullnetarë, kishte punuar për muaj me radhë në tekstin e diskutueshëm pas më shumë se dy vitesh luftë kundër pushtuesit rus.
Projektligji, i cili kryesisht parashikon rritjen e dënimeve për mosbindjen, shkaktoi skandal për shkak të tërheqjes në minutën e fundit të një neni për çmobilizimin e ushtarëve që kanë shërbyer 36 muaj, një goditje e rëndë për ushtarët që kanë luftuar në front për më shumë se dy vjet.
Ushtria ukrainase, e dobësuar nga një kundërofensivë e dështuar gjatë verës së vitit 2023 dhe ndihma perëndimore në pakësim, po përpiqet të shmangë sulmet ruse në fronte të ndryshme. Për ta bërë këtë, ajo ka nevojë për burra dhe municion. Duke u përballur me vështirësi në gjetjen e vullnetarëve, Ukraina fillimisht zgjeroi rekrutim, duke ulur moshën e atyre që kërkohet të shkojnë në ushtri nga 27 në 25. Tani e tutje, dënimet për ata që përpiqen të shmangin rekrutim do të jenë të rënda. Projektligji gjithashtu lehtëson procedurat e rekrutimit duke krijuar një sistem dixhital të dedikuar. Për të hyrë në fuqi, Kryetari i Dhomës duhet ta dërgojë tekstin tek presidenti Volodymyr Zelensky, i cili do të duhet ta nënshkruajë atë. /vizionplus.tv
