Kryeministri i Shqipërisë, Edi Rama, e konsideron ministrin e ri të Jashtëm, Gent Cakaj, si një nga njerëzit më të ditur që ka njohur në jetën e tij, ndërsa theksoi se Shqipëria ka pasur luksin të ketë ministër Aldo Bumçin.
Rama, gjatë konferencës së fundvitit me gazetarë, tha se Cakaj ka lexuar libra më shumë se sa keni thënë fjalë ju të gjithë në dispozicion, shkruan Kohanet, përcjell albinfo.ch.
“CV-në e tij ju do ta keni në dispozicion sapo të bëhet ministër. Të jeni të sigurt që zgjedhja e tij është zgjedhja e një shqiptari si unë. Unë e neveris çdo kënd që nënvizon kosovarin si arsye për të kontestuar zgjedhjen. E neveris! Ai është një ndër njerëzit më të ditur që kam takuar në jetën time. Të jeni të bindur që zgjedhja është bërë për meritë dhe për aftësi dhe nuk ka lidhje me asnjë teori konspiracioni. Ditmir Bushati është ministri më jetëgjatë në historinë e tranzicionit”, tha Rama.
Tutje, ai tha se Shqipëria ka pasur barrën të mbajë Aldo Bumçin si ministër të Jashtëm dhe politika shqiptare i ka njohur vetes të emërojë Aldo Bumçin si ministër të Jashtë dhe askush nuk ka marrë penën të shkruajë për këtë.
“Ata sot kontestojnë një nga njerëzit më të ditur që ka gjenerata e re e shqiptarëve. Gjithkush është në provë”, theksoi Rama.
