Midis trendeve hi-tech të dekadës së ardhshme ka sensorë zbulimi nëpër lagje dhe robotë të përparuar, sipas raportit “10 Hot Consumer Trends 2030” të Ericsson, i mbështetur në sondazhin e 50 milionë konsumatorëve midis moshës 15 dhe 69 vjeç.
Trendi i parë i referohet të ashtuquajturave robotë truporë, veshje të dizajnuara për të përmirësuar qëndrimin.
Në vazhdim, kemi kujdestarët e të dhënave, pajisje që do të na lejojnë të zbulojmë objekte përreth nesh, që përpiqen të vjedhin informacione dhe të ndjekin lëvizjet e personave.
Së treti, një variant i vogël i qytetit inteligjent: mbikëqyrje bashkëpunuese dhe sisteme antindërhyrje, që duhet të formojnë një rrjet kontrolli të përmirësuar për strehimin dhe, në përgjithësi, për sigurinë në lagje.
Rreth 82% e panelit të të anketuarve presin mbërritjen e pajisjeve të afta të paralajmërimit të ngjarjeve ekstreme të motit, si edhe të altoparlantëve të gjeneratës së re të aftë të krijojnë një pengesë zanore rreth mureve të shtëpisë, përmes izolimit akustik të personalizuar.
Në vendin e gjashtë, shpresa se një program inteligjent do të jetë në gjendje të parashikojë trendet financiare të përdoruesve, duke sugjeruar investimet më të mira, në mënyrë që të zvogëlohet rreziku i një biznesi të përfunduar keq.
Shmangia e trafikut të sinjaleve celulare. Ndërsa numri i lidhjeve rritet, rrjetet individuale do të duhet të zgjedhin sinjalin e tyre. Për këtë, telefonat inteligjentë modernë jo vetëm që do të shijojnë 5G-në, por do të jenë në gjendje edhe të sugjerojnë se cilat pika të qytetit janë më të mira për të shijuar shpejtësi më të larta, duke shmangur kështu zonat me trafik të lartë.
Personalizimi i përmbajtjes multimediale do të jetë konkret: 62% mendojnë se sistemet automatike do të jenë në gjendje të krijojnë përvoja multimediale bazuar në zakonet dhe preferencat e përdoruesve.
Dy vendet e fundit kanë të bëjnë me robotët.
Shtatë në 10 persona janë të sigurt se robotët autonome do të mësojnë të infiltrohen në celular pa ngjallur dyshime.
E njëjta përqindje duket se favorizon algoritmet autodidakte, që përzgjedhin dhe fshijnë miqtë në rrjetet sociale, në vend të përdoruesve të tyre, me qëllim krijimin e një rrjeti më të shëndetshëm kontaktesh për mendjen dhe trupin.
