Ky video regjistrim është nga pushimi i Nikolla Gruevskit në ishujt Sejshele, deri sa ishte kryeministër. Në opinion është paraqitur një bisedë mes kryeministrit aktual, Zoran Zaev dhe Aleksandar Verushevskit, ku flasin rreth këtij video incizimi, transmeton gazeta Lajm.
Mediumet anti-gruevski thonë se një pjesë e papublikuar e videos përmban edhe skena të pahijshme të Gruevskit, kurse mediumet pro-Gruevski thonë se ai atje ka qenë në shoqërim të bashkëshortes së tij, Borkica Gruevski.
Edhe Gruevski edhe bashkëshortja e tij kanë demantuar informacionet, mirëpo në incizimin ku bisedojnë Zaev dhe Verushevski, kryeministri aktual mes tjerash thotë se e ka ndërpre paraqitjen e plotë të këtij video incizimi në media dhe se nuk e ka pasur lehtë t’i bindë mediat të mos e publikojnë.
