Kryeministri i vendit, Albin Kurti ka bërë të ditur se janë në ditët e fundit të finalizimit të programit qeverisës për katër vitet e ardhshme.
Kurti ka thënë se pasi të kthehet javën tjetër nga Brukseli, do të paraqesin programin në parlament për miratim dhe të nis agjenda e Qeverisë, siç e quan ai transformuese.
“Ne jemi në ditët e fundit të finalizimit të programit tonë qeverisës për 4 vitet e ardhshme, i përqendruar në investime për krijimin e vendeve të punës dhe drejtësinë për të luftuar korrupsionin. Menjëherë pasi të kthehem nga Brukseli javën tjetër, ne do të paraqesim programin në parlament për miratim dhe do të fillojmë axhendën tonë transformuese”, ka shkruar ai në Twitter.
We are in the last days of finalising our gov. program for the next 4 yrs, focused on investment to create jobs & justice to fight corruption.
Soon after I return from Brussels next week, we will present the program to parliament for approval and start our transformative agenda.
— Albin Kurti (@albinkurti) April 24, 2021
