Një rast tragjik ka ndodhur gjatë orëve të para të ditës së sotme në Çarshinë e Shkupit,.
Nga Ministria e Punëve të Brendshme njoftojnë se një burrë ka ndërruar jetë, pasi është rrëzuar siç ishte duke ecur me një të afërme të tij.
“Më datë 19.12.2023 në ora 01.25 në SPB Shkup, nga Ndihma e shpejtë mjekësore është bërë e ditur se në Çarshinë e Vjetër në Shkup kanë konstatuar vdekje pa gjurmë të dhunës te një person mashkull. Nëpunësit policorë kanë dalë në vendin e ngjarjes dhe është konstatuar se bëhet fjalë për personin me inicialet A.T.(58 vjeç) nga fshati Çegran i Gostivarit. Ai ka qenë duke ecur me një të njohurën e tij, kur i është përkeqësuar gjendja shëndetësore, është rrëzuar dhe ka ndërruar jetë. Pas urdhrit të prokurorit publik, trupi i të ndjerit është dorëzuar për autopsi”, njofton Policia.
