Ballina Bota Tronditet kontinenti aziatik! Tërmet 7.1 ballë përgjatë kufirit mes Kinës dhe Kirgizisë,...

Tronditet kontinenti aziatik! Tërmet 7.1 ballë përgjatë kufirit mes Kinës dhe Kirgizisë, epiqendra në regjionin autonom të ujgurëve (VIDEO)

Një tërmet i fuqishëm prej 7 ballësh ka goditur në zonën përgjatë kufirit mes Kinës dhe Kirgizisë, raportoi më 22 janar Shërbimi Gjeologjik i Shteteve të Bashkuara, duke paralajmëruar për dëme të mëdha.

Televizionet lokale në kryeqytetin indian, Nju Delhi, raportuan se dridhje të fuqishme të tokës janë ndjerë në këtë qytet, që gjendet 1.400 kilometra nga epiqendra e tërmetit.

https://youtu.be/LbsooDfbSLU

Tërmeti u regjistrua në orën 02:00, sipas kohës lokale, me një thellësi prej 27 kilometrash. Epiqendra e tërmetit raportohet të jetë në rajonin Ksinjiang të Kinës, 140 kilometra në perëndim të qytetit Aksu.

https://youtu.be/QBUZnjTIEpE

Pak kohë pas dridhjeve të para të tokës, edhe tri tërmete të tjera u regjistruan në këtë zonë, me 5.5, 5.1 dhe 5.0 shkallë të Rihterit. Shërbimi Gjeologjik i SHBA-së tha ka të ngjarë që të ketë viktima si pasojë e tërmeteve të fuqishme, edhe pse deri më tani nuk është raportuar për ndonjë viktimë në zonat malore dhe rurale që u goditën nga dridhjet e fuqishme të tokës.

Në dhjetorin e vitit të kaluar, në veriperëndim të Kinës u vranë 148 persona dhe u zhvendosën mijëra të tjerë si pasojë e një tërmeti në provincën Gansu, raporton REL. Ky ishte tërmeti më vdekjeprurës në Kinë që nga viti 2014 kur mbi 600 persona u vranë në provincën Junan.