Presidenti i SHBA-ve, Joe Biden, ka nënshkruar projektligjin për ndihmën për Ukrainën, me vlerë 60.8 miliardë dollarë.
Sipas mediave të huaja, duke folur në Shtëpinë e Bardhë, Biden thotë se rruga për në tryezën e tij ishte e vështirë, por në fund Amerika “u ngrit në momentin e duhur”.
“Tani duhet të lëvizim shpejt,” thotë ai, duke shtuar se pajisjet ushtarake do të dërgohen në Ukrainë “brenda orëve të ardhshme”.
Këtu përfshihen “pajisjet për municionet e mbrojtjes ajrore, për artilerinë, për sistemet e raketave dhe mjetet e blinduara”.
Ai sulmon republikanët e MAGA për vonimin e projektligjit, ndërsa Rusia shtoi sulmet ajrore kundër qyteteve ukrainase.
Sipas Biden, Rusia ka zgjedhur dhe bombarduar spitalet, kopshtet e fëmijëve, kapanonet e grurit dhe rrjetin elektrik të Ukrainës.
Biden tha se lufta kundër Ukrainës ka qenë “e mahnitshme”. “Ata janë një forcë luftarake me vullnet dhe aftësi për të fituar”, tha presidenti amerikan.
Presidenti vazhdon: “Amerika do t’u dërgojë atyre ndihmën që u nevojitet për t’i mbajtur ata në luftë.”
Ky është një investim “në sigurinë tonë”, thotë zoti Biden dhe për të parandaluar tërheqjen e SHBA në luftë.
“Nëse Putini triumfon në Ukrainë, lëvizja e radhës për forcat ruse mund të jetë fare mirë një sulm i drejtpërdrejtë ndaj një aleati të NATO-s”, tha Biden.
Ai shton: “Ne nuk do të kishim zgjidhje tjetër veçse t’u vinim në ndihmë.”
