U dhanë afate të ndryshme dhe afate kohore nga kryeministri Zoran Zaev, për përfundimin e të ashtuquajturës “fshesës” , proces ky që në fazën tretë do të përfshijë 50 poste të reja në institucionet e vendit. Ajo që së fundmi ka premtuar kryeministri Zaev është se i gjithë ky proces pritet të përfundojë deri në fund të korrikut. Javën e ardhshme pritet që të bëhet ndërrimi i zëvendës ministrave dhe drejtorëve të institucioneve. Zaev tha se bëhet fjalë për më shumë se 20 poste drejtorësh në nivel qendror dhe më shumë se 30 poste në nivel lokal.

Kjo duhej të ndodhte të martën e javës që lamë pas, por të njëjtën Zaev tha se do ta shtyjë për të martën që do të vijë. Në opinion u përfol për emra të ndryshëm që do të përfshijë rikonstruimi, mirëpo nga Qeveria nuk është dhënë asnjë detaj tjetër nga ky proces dhe bisedimet mes partnerëve të koalicionit qeveritar, po zhvillohen në heshtje.

https://www.youtube.com/watch?v=9uoARk4Z2-Y

Vala e parë e riformatimit të Qeverisë u bë në fillim të muajit korrik, me ndërrimin e vetëm disa ministrave dhe shkarkimin e ministrit të Financave Dragan Tevdovski, duke rezervuar këtë post për kryeministrin Zoran Zaev. Mirëpo pas konstatimit se ai nuk mundej ta kryente edhe funksionin e ministrit të financave, në udhëheqësi u vendos Shirete Elezi, por megjithatë vendimet sa i takojnë kësaj ministrie edhe më tej do t’i marrë Zaevi.

“Fshesa” e Zaevit nisi me punë që nga partia e tij. Në qershor, 78 kryetarë të organizatave komunale u shkarkuan nga pozita. U shkarkua i gjithë Bordi ekzekutiv i LSDM-së, të gjithë gjashtë nënkryetarët e partisë, Sekretari i përgjithshëm, organizativ dhe ndërkombëtar si dhe koordinatorja e Forumit të grave.

Kryeministri Zaev “fshesën” e paralajmëroi menjëherë pas përfundimit të zgjedhjeve presidenciale, pastaj u tha që ajo do bëhej deri në mesin e qershorit, por ky proces si duket zgjati më shumë se që e kishin planifikuar dhe tani Zaev siguron se fundi i korrikut do të gjejë të përfunduar rikonstruimin e Qeverisë. Emine Ismaili /SHENJA/

Teksa ende po bëhen llogaritë për dëmin e shkaktuar nga moti i ligë disa ditë më parë në Maqedoninë e Veriut, një valë tjetër erërash dhe shirash paralajmërohet për këtë fundjavë dhe ditëtë e para të javës që vjen.

Në orët e pasdites sinoptikët parashikojnë që moti do të jetë me vranësira të ndryshueshme dhe jostabil, me shi të rrëmbyeshëm dhe bubullima.

Nga fundi i ditës dhe gjatë natës, në disa vende reshjet do të jetë më të rrëmbyeshme, të përcjella me bubullima, erë të përforcuar dhe kushte për paraqitje të breshrit. Temperaturat do të lëvizin prej 24 deri në 32 gradë celsius.

https://www.youtube.com/watch?v=GFge8cq2-k8

Të dielën moti do të jetë me vranësira të ndryshueshme me reshje të kohëpaskohshme dhe bubullima, veçanërisht paradite. Temperatura minimale do të lëvizë prej 10 deri në 19 gradë Celsius, ndërsa e ditës prej 19 deri në 29 Celsius.

Në Shkup dhe rrethinë moti do të jetë ngjashëm, me temperaturë të mëngjesit deri në 16 gradë Celsius, ndërsa e ditës deri në 25 gradë Celsius që për këtë sezon të verës është temperaturë jo e zakonshme.

Në ditët tjera në vijim moti do të jetë i ndryshueshëm dhe më i freskët me reshje lokale të shiut të cilat kohë pas kohe do të jenë të përcjella me bubullima.

Moti i ligë i ditëve të kaluara më së shumti goditi rajonin e Prespës. Era dhe shiu i rrëmbyeshëm që morën edhe viktima në Greqinë fqinje, në kët rajon shkatërruan një pjesë të madhe të mbjellave prej të cilave varet ekzistenca e banorëve. Qeveria paralajmëroi se do të nxjerrë ekipet në terren për të bërë vlerësimin e dëmit të shkaktuar, dhe pastaj edhe do ti kompensojë. Ferikan Iljazi Arifi /SHENJA/

Pothuajse dy klasa më pak me nxënës të klasës së parë do të ketë në shtator në komunën e Strugës krahasuar me vitin e kaluar. Në bankat e shkollës, sipas të dhënave të komunës, do të ulen 555 nxënës të klasave të para. Kjo është për 50 fëmijë më pak se vitin e kaluar kur u regjistruan 605 nxënës të rinj. Nga vendbanimet më të mëdha, situata më e keqe është në shkollën fillore në Dellogozhdë me 34 nxënës në klasën e parë, duke përfshirë të gjitha shkollat ​​rajonale. Në Tatesh, numri i nxënësve të klasave të para është 18, në Ladorishtë 41 dhe në Veleshtë 40. Në Zhepin ka vetëm një nxënës në klasën e parë dhe në Pohum asnjë. Më e mirë është gjendja në Labunishtë, ku janë regjistruar 121 fëmijë, si dhe në të dy shkollat ​​në qytet, Josip Broz Tito dhe Vëllezërit Miladinovci.

Situata është shumë më dramatike se sa duket. Vetëm shkolla në Dellogozhdë, e cila ka pesë shkolla të zonës, ka 33 fëmijë. I bie nga pesë ose gjashtë fëmijë për shkollë. Kjo është për shkak të emigrimit që në Strugë është disi më ndryshe. Nëse në Pollog ka emigrantë që janë në Evropë ose në Slloveni, këtu në zonën e Strugës kemi emigrantë që janë në Amerikë, një fenomen që ka një rol të madh në këtë- Agim Poshka – Profesor në Universitetin e Evropës Juglindore

Numri i nxënësve të klasave të para në të gjithë rajonin në pesë vitet e fundit është zvogëluar për 150. Të shqetësuar janë gjithashtu dhe në komunën e Strugës.

Ne presim të ndryshojë pozitivisht ky trend me hyrjen në NATO dhe BE, si dhe me paralajmërimet e qeverisë për rritjen e pagave. Nëse jo, atëherë kemi frikë se disa mësues do të humbasin punën e tyre vitin e ardhshëm- thonë nga Sektori për Arsim, Strugë

Numër më të vogël të nxënësve të regjistruar në klasën e parë ka dhe në Ohër. Janë regjistruar 459, që është për 48 më pak se viti e kaluar shkollor 2018/2019 dhe 39 në lidhje me vitin shkollor 2017-2018. Në shkollën fillore “Vanço Nikoleski”, këtë vit, nuk është regjistruar asnjë fëmijë për klasën e parë.

https://www.youtube.com/watch?v=ZPp-SkegHjQ

https://www.youtube.com/watch?v=Pd7OlFRaKzw

Masa e kthimit të TVSH-së për qytetarët e tensionoi gjendjen mes pushtetit dhe opozitës. Përmes kumtesës partiake LSDM e mbron projektin e skanimit të llogarive fiskale dhe kthimin e 15 për qind nga TVSH-ja e paguar nga qytetarët. Sipas LSDM-së, për vetëm 13 ditë janë skanuar 2 milionë llogari fiskale me qarkullim prej rreth 17 milionë euro.

Nga kjo shumë e akumuluar për afat shumë të shkurtër, kthimi i parave për qytetarët është mbi 260 mijë euro. Aplikacionin “MOJ DDV” tashmë e kanë instaluar mbi 120 mijë qytetarë. Me masën e kthimit të TVSH-së prej 15% rreth 50 milionë euro do përfundojnë te qytetarët në fund të vitit. Për herë të parë shteti u kthen para qytetarëve. Kjo do të thotë të ardhura shtesë për buxhetin familjarë- thanë nga LSDM-ja.

Opozita u përgjigj se gjysmë milion qytetarë jetojnë nën pragun e varfërisë, ndërsa masa është vetëm defokusim i qytetarëve sepse përfitim nga kjo kanë vetëm më të pasurit.

https://www.youtube.com/watch?v=81aVJXWrrcI

Qytetarët me këtë masë mund të marrin mesatarisht 156 denarë në muaj, përkatësisht 1872 denarë në vit, që do të thotë se asnjëherë nuk do të arrijnë deri te shifra prej 30.000 denarëve që Zoran Zaevi ua premtonte. Që të realizohet premtimi i Zaevit se qytetarët do të marrin 30.000 denarë nga kthimi i TVSH-së dhe do të mund të rinovojnë një dhomë, të paguajnë kredi ose të shkojnë në pushim do të nevojiten madje 16 vite, jo një vit- thanë nga VMRO-DPMNE-ja.

Sipas Qeverisë, masa për pagesën e 15 për qind të TVSH-së për qytetarët, do të mundësojë 50 milionë euro prapa te familjet. Që një person të kthejë 600 denarë në muaj me skanimin e bar-kodeve nga llogaritë fiskale, duhet të shpenzojë mbi 26 mijë denarë. Sipas analizës së “Finance Think” vetëm familjet më të pasura të cilat brenda vitit shpenzojnë mbi 20 mijë euro, do të kthejnë nga shteti në emër të TVSH-së afër 450 euro. Por, nëse një familje mesatare në vend shpenzon 530 euro për nevoja themelore, sa arrin shporta sociale për konsumatorë, në buxhetin familjar brenda vitit do të kthejë vetëm 172 euro.

Bojan STojanovski

Në mes të sezonit të verës, ndalohet notimi në Liqenin e Ohrit. Turistët nuk mund të notojnë në plazhet që shtrihen nga Kalaja e Samoilit drejt kampeve “Partizan” dhe “Mladost” për shkak të ujërave të zeza nga sistemi i kolektorëve.

Kryetari i Komunës së Ohrit Konstantin Georgeski e konfirmoi këtë informacion për “Kanal5”, duke theksuar se komuna e paraqiti ndalimin me urdhër të Inspektoratit shtetëror sanitar dhe shëndetësor. Ai tha se problemi ka gjasa të jetë në rrjetin e papërshtatshëm të kanalizimit përgjatë lumit Grashnica, dhe jo mos funksionimin e kolektorëve.

Nga Qendra e Ohrit për Shëndetin Publik konfirmojnë se analizat e mostrave të ujit nga ai rajon treguan se uji është i ndotur. Plazhet e tjera janë të sigurta për larje./Telegrafi/

https://www.youtube.com/watch?v=Pd7OlFRaKzw&feature=youtu.be

Kreu i Lëvizjes BESA Bilall Kasami, i shoqëruar edhe nga funksionarë të tjerë të partisë dhe aktivistë, kanë protestuar para pak çasteve para Sektorit të Punëve të Brendshme të Tetovës, pas ftesës për bisedë informative që SPB Tetovë iu dërgoi dy aktivistëve të kësaj partie, përkatësisht Albi Qamilit dhe Dritan Bexhetit, të cilët dyshohet se vendosën afishet tek rrethrrotullimi afër selisë së BDI-së, ndërsa më herët për të njëjtën gjë, në bisedë informative u thirr edhe Artan Etemi.

Kreu i Lëvizjes BESA Bilall Kasami këtë e ka cilësuar si pre*sion i pushtetit ndaj anëtarëve të kësaj partie, ndërsa ka deklaruar se, qëndron fuqishëm pas aktivistëve të tij, duke u shprehur se, nga nesër edhe ai vet do del të bëj afishe ndërsa ka ftuar policinë që ta arr*estojë edhe atë.

Ne si Lëvizje BESA qëndrojmë fuqishëm pas aktivistëve tanë, sepse vlerësojmë se ky është një rea*ksion qytetarë dhe kjo bëhet për gjitha dështimet, kri*min dhe korrupsionin e partisë shqiptare në pushtet dhe ata që në vend se të mbrojnë interesin e qytetarëve, ata merren me qytetarët që bëjnë aktivitete simbolike për të shprehur revoltën e tyre. Ne nuk do heshtim, këtë rep*erkusion të policisë e shohim vetëm si pre*sion që të tërhiqemi nga aktivitetet tona. Nëse ata me pretekst të disa grafiteve, afisheve dhe revoltave qytetare thirrin aktivistët e Lëvizjes BESA, iu thashë që do i bëj të njëjtat aktivitete unë dhe le të urdhërojnë le të më bur*gosin mua- deklaroi Bilall Kasami. Lëvizja BESA.

https://www.youtube.com/watch?v=v97tVj3JEfU&feature=youtu.be

Departamenti i arsimit pranë “Aleancës për shqiptarët”, pas analizës së propozim ligjit të ri për arsim fillor informon opinionin publik me sa vijon:

Ky ligj është një rikthim i ligjit që me pompozitet të lartë u propozua para një viti dhe i cili pas kritikave të shumta u tërhoq. Ky ligj është një kopje e ligjit në fuqi me ca ndryshime të vogla kozmetike.
Në aspektin funksional suprimon pushtetin komunal nga ai qendror dhe realizon segregacion gjuhësor dhe etnik në sferën e arsimit.

Në aspektin strukturor edhe më tepër e kufizon arsimtarin në kreativitetin e tij duke e ngarkuar edhe më tepër me administratë, e duke mos i lejuar hapësirë për të hulumtuar metoda, teknika dhe forma bashkëkohore për mësimdhënie interaktive. Nuk realizon caktimin e kritereve të qarta për ngritjen dhe gradimin profesional të arsimtarit.
Në aspektin institucional kemi një gërshetim kompetencash që bëjnë zgjidhje të pakuptimta mes organeve dhe hierarkisë si në shtrirjen horizontale ashtu edhe në atë vertikale .

Kur theksojmë suprimimin e pushtetit komunal dhe segregacionin etnik dhe gjuhësor e kemi fjalën se të vetmen të drejtë që kishte kryetari i komunës për të zgjedhur drejtor, një nga dy kandidat të propozuar nga këshilli drejtues i shkollës, me propozim ligjin e ri duhet të zgjedh veç drejtorin e zgjedhur nga këshilli drejtues i shkollës (neni 104).

Sa i përket segregacionit etnik dhe gjuhësor, arsimtari shqiptar nuk mund të krijojë marrëdhënie pune pa mos e dhënë provimin për njohje të gjuhës maqedonase, pranë qendrës shtetërore për provime edhe pse proklamohet se gjuha shqipe është zyrtare. Kjo nuk vlen për arsimtarin maqedonas, për njohje të gjuhës shqipe, që duhet të ligjëroj lëndën e gjuhës maqedonase në paralelet shqiptare (neni 81. al.3).

Me gojën plot theksohej se duhen reforma, arsimtari përsëri është i ngarkuar me administratë dhe i stresuar nga politika. Ligji i ri vazhdon që arsimtarin ta ngarkoj me punë administrative dhe me dëshirat e komisioneve të formuar nga politika, nga të cilët varet gradimi dhe zhvillimi profesional i tij.

Nuk mund të kuptohet që në aspektin institucional një ligj të konstituohet në atë formë që një organ të kryej zgjedhjen ndërsa tjetri organ që nuk është pjesëmarrës dhe nuk mund të ndikojë në zgjedhje, të vërtetoj zgjedhjen nga organi tjetër, apo siç është rajonizimi ku nga njëra anë flasim për rajonizim ndërsa në alinenë tjetër mundësojmë që mos të përfillet (neni 59).

Më këtë propozim ligj me “procesin inkluziv” shkohet me degradimin edhe të shtresës më të ndjeshme të shoqërisë, fëmijëve me nevoja të veçanta, pasi në vend që të shkohet me kombinim që disa orë të realizohen në paralelet e rregullta për socializim dhe pjesën tjetër të procesit mësimor në paralele të veçanta, propozohet mbyllja e këtyre paraleleve prej vitit 2022. Paramendoni paralele me 30 nxënës ku tre prej tyre janë me nevoja të veçanta (neni 176).

​Departamenti i arsimit pranë ”Aleancës për Shqiptarët” propozon që ky ligj të tërhiqet, të formohet grup punues nga të gjithë partitë politike dhe ekspert nga universitetit që të përgatitet një ligj bazuar në teorinë e organizimit të sistemeve dhe praktikave bashkëkohore.