Fadil Zendeli

Vala e pre*sionit dhe ner*vozizmi i BDI-se qe rezulton nga humbja e perditshme e besimit te qytetarëve filloi te manifestohet permes keq*perdorimit te mekanizmave te pushtetit, vecanarisht permes policise dhe MPB duke u ver*sulur ndaj aktivisteve te Levizjes Besa si parti opozitare, sikur ata te ishin fajtore per humbjen e rruges politike dhe kombetare te BDI-se.

Thirrja ne bisede informative e aktivistit te Levizjes Besa Artan Etemi nga policia e Tetoves, deshmon ner*vozen dhe pasigurine qe ka kapluar strukturat e BDI dhe per kete duke keqperdorur struktura te kontrolluara brenda MPB dhe policise. Me heret ne bisede informative u thirre Kryetari i FR te Levizjes Besa, ne Oher bru*talisht u su*lmua keshilltari i LB, sot nje nga aktivistet me te dalluar te LB, dhe nervoza dhe hutia e tyre do te vazhdoj deri ne zgjedhjet e parakohshme parlamentare, kur shqiptaret perfundimisht do te clirohen nga kjo e keqe qe i ka kapluar ne politiken e tyre.

Levizja Besa qe ne fillim kishte detektuar simptomat e demokracise se rrejshme te partise ne pushtet, dhe apelojme qe kete hidherim dhe zhgenjim politik, BDI ta drejtoje ne drejtim te fajtorit dhe krijuesit te vertete te mashtrimit dhe iluzionit politik, vete BDI. Sa me heret qe qytetaret shqiptare ta kuptojne kete, aq me mire per te gjithe ne, por edhe per ardhmerine dhe perspektiven tone ne kete vend..

Sekretari gjeneral i Lëvizjes BESA, Arianit Hoxha ka reaguar lidhur me ndalimin e një aktivisti të tyre në policinë e Tetovës. Ja alarmi i ngritur nga Arianit Hoxha.

“Gjatë ditës së sotme në stacionin policor në Tetovë është thirr në pyetje aktivisti i Lëvizjes Besa, Artan Etemi, për gjoja involvimin e tij me vendosjen e “shenjave” që u shfaqën dje në Tetovë.
Paramendoni sa shtet të “fortë” kemi, kur brenda 24 orëve procesuon lëndë sepse cënohet një parti politike në qeveri, ndërsa po i njejti shtet për 28 vit nuk arrin të çrrënjosë krimin dhe korrupsionin.

Veprimi i sotëm i policisë në Tetovë është kthim në komunizëm, që si duket dikush ende e ka pjesë të ideologjisë politike.
Kjo qeveri që erdhi me premtimin për të sjelle drejtësi, si duket e ka ngatruar drejtësinë me komunizmin.

Ne nuk do lejojmë që dikush të shfryje mllefin e vet duke ushtruar presionin e pushtetit ndaj aktivistëve të Lëvizjes BESA.
TURP I QEVERISË QË RËNON DEMOKRACINË

Familjarët, miqtë, bashkëfshatarët dhe bashkëveprimtarët ia dhanë lamtumirën e fundit Shaban Zendelit, drejtor i hekurudhave, intelektual dhe personalitet i shquar i jetës politike në Kumanovë e Likovë.

Ai ka nderuar jetë dje, kurse me nderime fetare e kombëtare është va*rrosur në vendlindjen e tij, fshatin Orizare të Likovës.

Në ceremoninë e va*rrimit, fjalim mjaft emocional ka mbajtur kryetari i Alternativës, Afrim Gashi, mik dhe bashkëveprimtar i afërt i të ndjerit Zendeli.

I dashuri z. Shaban, e paimagjinueshme, por e vërtetë.
Unë, miku yt, Afrim Gashi, po qëndroj pranë varrit tënd dhe po të flas derisa ti ke kaluar në botën reale, ndërsa unë vazhdoj të qëndroj në jorealen. Dhe, si të nxjerrësh fjalë e si të thurësh mendime kur as vetë ende nuk e kam bindur veten se ne jemi ndarë përgjithmonë?!

Unë edhe sot po të drejtohem, si gjithnjë, me zotëri Shaban, sepse ti vërtet ishe dhe mbete simbol i njeriut zotëri.
E në këto çaste të pikëllimit të thellë dhe mungesës së fjalëve, kur heshtja dhe loti jonë flet më shumë se çdo fjalë, do të më lejoni që në emër të Alternativës, në emër të shokëve dhe miqve që sot janë thyer dhe janë pikëlluar, të them dy-tri gjëra duke u ndarë nga njeriu që për kaq kohë të shkurtër na ka bërë të gjithëve për vete dhe që sot na ka mërzitur kaq shumë.

Të dashur të pranishëm në këtë varrim, Shaban Zendeli është njeriu me të cilin në këto pesë vitet e fundit – sa jemi njohur, kemi bërë beteja nga më të ndryshmet për një sistem të ri të vlerave, të moralit e të dinjitetit të njeriut shqiptar në vendin tonë. Dhe, më duhet t’ia them sot, sepse nuk pata mundësi t’ia them sa ishte i gjallë në mesin tonë: z. Shaban, vetëm kur ti u bashkove me ne, ne ndjemë se tashmë në mesin tonë kishim një njeri të urtë, të drejtë, të guximshëm dhe të paepur. Ne të gjithë u mahnitëm me maturinë tënde, me guximin tënd dhe me përkushtimin tënd. Vetëm pas ardhjes tënde ne, për herë të parë, e ndjemë fuqishëm se jemi në rrugë të mbarë dhe ashtu na u shtua vetëbesimi, sepse pamë që kauzës sonë po i bashkoheshin edhe njerëz me virtyte të tilla.

Të dashur të pranishëm në këto çaste pikëllimi, sot kur po ndahemi nga një njeri i madh dhe nga një mik i shtrenjtë, më duhet t’jua kujtoj se Zoti çdo qenie njerëzore e ka krijuar me një mision. Dhe, kur ai e përfundon misionin, Zoti nuk e lë më të vuajë në këtë botë të rënduar nga pasioni dhe egoja. Qeniet që e kryejnë misionin në këtë botë, nuk i përkasin më kësaj bote. Andaj kalojnë tutje në botën tjetër. I tillë ishte edhe z. Shabani.

Të dashur pjesëmarrës të këtij va*rrimi,

Disa njerëz vijnë në botë si fragmente të drejtësisë,
Disa njerëz vijnë në botë si fragmente të bujarisë,

Disa njerëz vijnë në botë si fragmente të urtësisë,
Disa njerëz vijnë në botë si fragmente të guximit dhe trimërisë,
Disa njerëz vijnë në botë si fragmente të diturisë,
Disa njerëz vijnë në botë si fragmente të sakrificës,

Ndërsa, ti, Shaban Zendeli, erdhe, jetove dhe shkove andej, duke na lënë gjurmë të të gjitha këtyre virtyteve, që Perëndia rrallë i bashkon te një njeri i vetëm. Andaj ne mburremi që të njohëm dhe do të jemi krenarë gjithë jetën që jetuam në kohën e Shaban Zendelit.

Duke qenë besimtarë dhe duke besuar se njeriut i rrjedhin shpërblimet edhe pas vdekjes, dëshiroj të ndahem duke thënë se Shaban Zendeli ka lënë pas vetes fëmijë që do të mburren me babanë e tyre dhe që gjithë jetën do të luten për të, duke e kujtuar si një prind të jashtëzakonshëm. Dhe, inshaallah, Zoti i shndërron lutjet e tyre në fllad të mëshirës hyjnore andej.
Po ashtu Shaban Zendeli ka lënë pas vetes shumë vepra të mira, që do të vazhdojnë të rrjedhin gjithmonë. Andaj sa herë që dikush do të përfitojë prej tyre, inshaallah Zoti e freskon atë andej.
Dhe, përfundimisht, Shaban Zendeli ka lënë pas vetes shumë miq, kolegë, shokë, bashkëpunëtorë dhe dashamirë, që gjithmonë kur do të përmendet emri i tij, do ta kujtojnë me mall e dashuri dhe do të luten për shpirtin e tij. E, inshaallah, Zoti, për shkak të lutjeve të tyre, e paqëton edhe atë andej.

Vëllezër të dashur, ata që e besojnë Zotin, e dinë se Ai nuk vdes kurrë, ndërsa ata që e kanë dashur dhe admiruar Shaban Zendelin, ai ka ndërruar jetë dhe ne sot e kthyem aty ku do të kthehemi të gjithë një ditë.

I dashuri dhe ndjeri Shaban Zendeli, caktimi i Zotit paska qenë i këtillë. Ne këtu po ndahemi fizikisht prej teje, por jo edhe prej kujtimit për ty. Ti shkove para nesh, ndërsa ne do të vijmë pas tej. Në dashtë Allahu, do të bashkohemi në xhenetit e Tij.

Lamtumirë z. Shaban. Qoftë i përjetshëm kujtimi për ty dhe Zoti të mëshiroftë e të shpërbleftë me xhenet!

Afrim Gashi, kryetar

Orizare – Kumanovë, 11 korrik 2019

Funksionari i partisë Alternativa, gjegjësisht drejtori gjeneral i Hekurudhave të Maqedonisë – Transport, Shaban Zendeli, sot ka ndërruar jetë.

Njoftimin e kanë bërë miqtë dhe familjarët nëpër rrjetet sociale. Në zgjedhjet e fundit lokale, Zendeli ka qenë kandidat për kryetar të Komunës së Likovës.

Zendeli ka lindur në fshatin Orizare të komunës së Likovës.

Ja biografia e tij e plotë:

Lindur më 09.03.1961 , në Orizare, komuna eLikovës.

Shkollimi:

Arsimin fillor ka mbaruar në vëndlindje,shkollimin e mesëm në gjimnazin „Goce Dellçev” në Kumanovë. Arsimin e lartë ka mbaruar në Fakultetin ekonomik në Prishtinë më vitin 1985 – ekonomist i diplomuar.
Përvoja e punës:
Më shumë se 30 vjeçare edhe atë:

– punësimi i parë më 1987 në ndërrmarrjen për prodhime të konfekcionit “BIBROK” në Kumanovë;

– më 1991 punon në NP ARLI në Kumanovë;

– nga prilli i vitit 1993 deri në vitin 2018 punon në Drejtorinë e doganave të Republikës së Maqedonisë.
Gjatë punës në shërbimin doganor ka qënë në shumë vende udhëheqëse: zëvendës

Drejtor i Doganave të Republikës së Maqedonisë (1993-1998), ndihmës drejtоr i doganës rajonale në Shkup (199-2001), ndihmës drejtor i doganës rajonale në Kumanovë (2003), shef i Degës doganore në Tabanovc,këshilltar i drejtorit etj.

Në vitin 2018 është emëruar Drejtor general dhe Kryetar i KD në Hekurudhat e Maqedonisë Transpoti SHA – Shkup.
Aktivitete tjera:

– Në periudhën 1991- 1994 ka qënë anëtar i Këshillit për marrëdhënie ndëretnike në Parlamentin e Maqedonisë;

– Anëtar i komisionit për financa dhe buxhet në Komunën e Likovës;

– Anëtar i këdhillit drejtues në spitalin e përgjithshëm në Kumanovë;

– Ka qënë njëri nga themeluesit (anëtar i këshillit drejtues) i festivalit muzikor NOTA FEST në Shkup;

– Ka qënë njëri nga themeluesit (anëtar i këshillit drejtues)I Qendrës për bashkëpunim dhe mirëkuptim multikulturor në Shkup;

– Kryetar i klubit të çiklistëve TEUTA në Kumanovë;

– Kryetar i klubit të boksit LIRIA të Shkupit.

Ka qënë pjesëmarrës në shumë seminare dhe punëtori të ndryshme të organizuara nga institucione shtetërore dhe organizata joqeveritare vendore dhe ndërkombëtare, me tema të ndryshme si: zgjidhja e konflikteve, të drejtat e njeriut, lehtësimi i tregtisë, analiza e rizikut, shkathtësitë e komunikimit, menaxhmenti etj. (INA)

https://www.youtube.com/watch?list=PLwDxg3Iu5-JsfidVYiRd4X0TUduF-tmLS&v=RnO0qU6kXjU

Deputeti i Lëvizjes BESA, Fadil Zendeli, sot në një konferencë për media ka thënë se duhet të ketë zgjedhje të parakohëshme, duke pasur parasysh çështjet e fundit, por edhe ato të mëparshme që kanë ndodhur, sidomos me rastin e djeshëm me Kryeministrin dhe më parë me Sekretarin e Përgjithshëm, si dhe me zhvillimet në Qeveri, por edhe me “mos marrjen e datës për negociata me BE dhe drejtësia selektive”, ka thënë Zendeli.

Duke marrë parasysh zhvillimet e përgjithshme politike në Qeveri dhe se nuk kemi marrë një datë për negociata siç është premtuar nga Qeveria, duke pasur parasysh se ka një problem me sistemin ligjor me drejtësi selektive, ka procedura nga njëra anë kundër ish-zyrtarëve nga VMRO-DPMNE, por nuk ka veprime kundër zyrtarëve aktual dhe ish zyrtarëve nga radhët e BDI-së, mendojmë se ne duhet të shkojmë në zgjedhje, tha deputeti i BESËS Zendeli.

https://www.youtube.com/watch?v=ehsw2cpN5Lo

Buxheti vjetori i Qytetit të Shkupit lëviz mes 65 dhe 70 milionë euro. Për mbledhjen e këtyre mjeteve, kontribut të konsiderueshëm japin edhe dyqanxhinjtë e Çarshisë së Shkupit. Megjithatë, vite me radhë, por edhe sot kur me qytetin udhëheq Petre Shilegov, asnjë investim kapital nuk është realizuar në këtë pjesë historike të Shkupit

Omer XHAFERI

Shkup, 10 korrik – Ashtu siç çdo administratë e Qyteti të Shkupit, edhe kjo e kryesuar nga kryetari Petre Shilegov, shumë pak është e interesuar për investimet kapitale në Çarshinë e Vjetër të Shkupit. Përpos disa ndërhyrjeve të vogla (rregullimin e disa trotuareve, vendosjen e shtyllave të hekurit etj) nga marrja e mandatit e deri më tani, Qyteti i Shkupit s’ka investuar asgjë në kompleksin historik të Çarshisë. Kjo situatë vazhdon të ndodhë përkundër premtimeve parazgjedhore që Shilegov i dha esnafit të Çarshisë. Duke e komentuar gjendjen aktuale të Çarshisë, Diamant Nagavci, një esnaf i vjetër, për gazetën KOHA thotë se falë disa projekteve nga Bashkimi Evropian, rrugët e Çarshisë së Shkupit po përjetojnë një farë gjallërie.

“Shilegov në fushatë ka përmendur të gjitha ato se do ti bëjë, por nuk i ka bërë. Falë disa projekteve të BE-së, Çarshia po përjeton disa lëvizje pozitive. Projektet kanë te bëjnë me revitalizim infrastrukturor, që në një mënyrë e obligon Qytetin e Shkupit, Çairin dhe Qendrën të vendosin rend, respektim të Ligjit dhe shërbime komunale me cilësore. Veprimet e para vetëm se kanë filluar dhe po shihet pak dritë në fund të një tuneli të errët në të cilin jemi gati se 25 vite”, thotë Nagavci.

Një prej shumë premtimeve që kryetari Shilegov ia dha ESNAFIT të Çarshisë së Shkupit ishte ndryshimit i orarit të punës gjatë sezonit veror. Megjithatë, deri më tani, Këshilli i Qytetit të Shkupit ende nuk e ka miratuar një vendim konkret. Me qëllim rregullimin e çështjes së hyrjes-daljes së mallrave, ai pati premtuar edhe vendosjen e një trau në hyrje të Çarshisë së Shkupit. Por as kjo nuk ka ndodhur. Madje, si pasojë e dëmtimit të shtyllave elektrike nëpër rrugët e Çarshisë së Shkupit, dominojnë automjetet e llojeve të ndryshme. Kohë pas kohë, kjo pjesë historike më tepër i ngjanë një kantier ndërtimi.

“Gjatë dy-tre javëve të kaluara, ne në koordinim me Komunën e Çairit, Komunën Qendër dhe Inspektoratin e qytetit filluam me largimin e tarracave të egra, me qëllim krijimin e një pamje normale. Fatkeqësisht, ne si qytet nuk kemi mekanizma që ti rregullojnë çështjet e parregullsive në komunikacion. Ajo është çështje e MPB-së. Por e vërtet është se paralajmëruar vendosjen e një Agjencie për sigurim në Çarshi. Në këtë projekt ende jemi duke punuar, për shkak se duhet të përfundohet sistemi i sigurisë të cilën Çarshia e punon me Telekomin. Më pas do të vendosim sigurim fizik. Por edhe ata njerëz nuk do të ketë kompetenca për komunikacionin e automjeteve, mirëpo vetëm sigurim fizik si mbështetje e video-mbikëqyrjes që do të jetë”, tha kryetari Shilegov për gazetën KOHA.

Ndryshe, Qyteti i Shkupit vitin e kaluar drejtë bulevardit “Kërste Petkov Misirkov”, në afërsi të Bit Pazarit dhe Çarshisë së Shkupit, hapi një taksi stacioni të ri, me të cilën pritej të lirohet njëra prej hyrjeve të Çarshisë. Megjithatë, edhe pse ky taksi-stacion u ndërtua, kaosi dhe parregullsitë e shumta janë evidente në terren. Në kuadër të këtij projekti ishte paraparë edhe ndërtimi i një taksi-stacioni në Kalanë e Shkupit, por i njëjti deri më tash nuk rregulluar. Gjatë dy dekadave të kaluar, duke filluar nga koha kur me Qytetin e Shkupit ka kryesuar Trifun Kostovski e më pas nga Koce Trajanovski, në Çarshinë e Shkupit janë bërë vetëm dy investime kapitale. Ndërtimi i një pjesë të kalldrëmit në rrugën “Bit Pazarska” dhe vendosja e sistemit të ndriçimit, gjegjësisht instalimit të kandelabrave . Kur jemi te këto fundit, si rezultat i prezencës së madhe të automjeteve (veturave, motorëve), janë dëmtuar një numër i konsiderueshëm i shtyllave për ndriçim në Çarshinë e Shkupit. (koha.mk)