Tërmeti me magnitudë 6.7 goditi në orën 4:06 të mëngjesit (2109 GMT) në një thellësi prej 21 kilometrash (13 milje), me epiqendrën e tij 167 kilometra në perëndim të qytetit bregdetar të Pariaman, tha Shërbimi Gjeologjik i Shteteve të Bashkuara (USGS).
Një tërmet i fortë goditi brigjet perëndimore të ishullit Sumatra të Indonezisë herët të hënën, duke i bërë banorët të largoheshin nga shtëpitë e tyre, por nuk u raportuan menjëherë dëme apo viktima.
Tërmeti me magnitudë 6.7 goditi në orën 4:06 të mëngjesit (2109 GMT) në një thellësi prej 21 kilometrash (13 milje), me epiqendrën e tij 167 kilometra në perëndim të qytetit bregdetar të Pariaman, tha Shërbimi Gjeologjik i Shteteve të Bashkuara (USGS).
Epiqendra ishte 197 kilometra nga Padang, kryeqyteti dhe qyteti më i madh në provincën e Sumatrës Perëndimore.
“Tërmeti u ndje për një minutë me intensitet mesatar pasi njerëzit u kapën nga paniku dhe u larguan nga shtëpitë e tyre”, tha Agjencia Kombëtare për Zbutjen e Fatkeqësive (BNPB) në një raport fillestar.
Lëkundjet u pasuan nga një sërë pasgoditjesh të forta, sipas agjencisë indoneziane të gjeofizikës.
Qendra e Paralajmërimit të Tsunamit në Paqësor fillimisht tha se tërmeti mund të gjeneronte një cunami që do të ndikonte në rajonin e Oqeanit Indian, por shpejt e hoqi paralajmërimin.
“Bazuar në raportin e fundit, nuk ka dëme dhe viktima, por ne vazhdojmë monitorimin. Lëkundjet janë ndjerë fuqishëm në ishullin e Niasit jugor,” tha Agus Wibisono, kreu i zyrës së Kërkimit dhe Shpëtimit të Nias.
Pasi u hoq kërcënimi për cunami “njerëzit u qetësuan”, shtoi ai.
Indonezia ndodhet në “Unazën e Zjarrit” të Paqësorit, duke bërë që ajo të përjetojë tërmete të shpeshta./TetovaNews
