Forcat ruse në Ukrainë nuk po tërhiqen, por po rigrupohen, sipas një deklaratë të sekretarit të përgjithshëm të NATO-s, Jens Stoltenberg, duke komentuar njoftimin e Moskës për një reduktim të operacioneve ushtarake rreth Kievit, sipas The Guardian.
Stoltenberg tha gjithashtu se aleanca ende nuk është e bindur në deklaratat e Rusisë sepse objektivi ushtarak i Moskës që nga fillimi i pushtimit të saj në Ukrainë nuk ka ndryshuar.
“Sipas inteligjencës sonë, njësitë ruse nuk po tërhiqen por po ripozicionohen. Rusia po përpiqet të rigrupohet, të rifurnizohet dhe të përforcojë ofensivën e saj në rajonin e Donbasit,” tha ai.
Moska po fokusohet në “çlirimin” e rajonit të Donbasit – dy provinca juglindore të kontrolluara pjesërisht nga separatistët që Rusia ka mbështetur që nga viti 2014.
“Në të njëjtën kohë, Rusia vazhdon të ushtrojë presion ndaj Kievit dhe qyteteve të tjera. Pra, ne mund të presim sulme të tjera, të cilat do të shkaktojnë edhe më shumë vuajtje.”
Ai tha gjithashtu se aleatët e NATO-s do të vazhdojnë t’i ofrojnë armë Ukrainës për aq kohë sa të jetë e nevojshme./abcnews.al
