Presidenti rus, Vladimir Putin i ka thënë homologut të tij francez Emmanuel Macron se qëllimet e operacionit të Rusisë në Ukrainë, çmilitarizimi i saj dhe statusi neutral do të arrihen.
Dyshja zhvilluan një telefonatë 90 minuta më herët ditën e sotme.
Lufta Rusi-Ukrainë është në ditën e saj të 8-të, ndërkohë që Putin në bisedën me Macron është shprehur se ‘operacioni ushtarak do të përmbushet’.
Ndërkohë, delegacionet nga Rusia dhe Ukraina do të takohen për një raund të dytë bisedimesh sot në Bjellorusi, pasi një këshilltar presidencial ukrainas konfirmoi se përfaqësuesit e tyre ishin rrugës. Mykhailo Podolyak shkroi në Twitter se delegacioni ukrainas po udhëtonte për në pikën e takimit.
Elizeu ka zyrtarizuar një telefonatë ditën e sotme midis presidentit francez Emanuel Macron dhe homologun e tij rus, Vladimir Putin. Bëhet fjalë për telefonatën e tretë midis dy liderëve nga fillimi i konfliktit në Ukrainë.
Një telefonatë e gjatë, që sipas burimeve ka zgjatur rreth 90 minuta, por detajet e saj nuk bëhen të ditur. Diçka e ndryshme nga telefonata të kaluara ku përshkrimet nuk mungonin, si përshembull sigurimi nga ana e Moskës që nuk do të goditeshin objektiva civile, diçka qe më pas rezultoi fatkeqësisht një mashtrim. Heshtja franceze mund të nënkuptojë edhe një klimë të fortë tensioni midis dy presidentëve.
Pas Putinit, Macron morri në telefon edhe presidentin ukrainas Volodymy Zelensky, objektivin numër 1 për t’u eliminuar nga forcat ruse që po rrethojnë Kievin.
VIDEO bonus:
https://youtu.be/lriefSAZV_s
Video bonus:
https://youtu.be/XNZ8-Xwsxg8
Video bonus:
https://youtu.be/pADW2GchJr0
