Ballina Bota Vladimir Putin humbet komandantin e 15-të të lartë në Ukrainë pranë qytetit...

Vladimir Putin humbet komandantin e 15-të të lartë në Ukrainë pranë qytetit të rrethuar nga trupat ruse

Vladimir Putin ka humbur pesë gjeneralë në luftën e tij në Ukrainë, ndërsa ekspertët spekulojnë se autoritetet më të larta ushtarake të Rusisë po shkojnë në vijën e frontit për të rritur moralin e forcave të tyre të demoralizuara.

Një tjetër gjeneral rus është vrarë nga forcat ukrainase.

Bëhet fjalë për kolonelin Aleksey Sharov, komandanti i Brigadës 810 të Marinsave të Detit të Zi.

Skynews shkruan se vdekja e kolonelit është konfirmuar për mediat ruse nga zyrtarët vendas.

Ndërkohë sipas NewsWeek, vdekja e tij u njoftua përmes Telegramit nga komandanti ushtarak i Odessa, Sergei Bratsuk dhe më vonë u transmetua nga mediat ukrainase, duke përfshirë agjencinë shtetërore të lajmeve Unikform.

“Komandanti i Brigadës së Marinës Ruse u neutralizua nga ushtria jonë,” tha Bratsuk, duke shtuar se “kjo do të ndodhë me këdo…që përpiqet të vrasë fëmijët tanë”. Lajmin për vdekjen e kolonelit rus e ka postuar në Twitter edhe oficeri i ushtrisë ukrainase Anatoliy Stefan.

Në të njëjtën kohë, këshilltari i Volodymyr Zelensky, Mikhail Pontoliak, tha se gjashtë gjeneralë rusë ishin vrarë gjatë luftës, ndërsa një diplomat i lartë evropian i tha Foreign Policy se mund të kishte pesë gjeneralë të vdekur. Megjithatë, Foreign Policy tha se zyrtarët e inteligjencës perëndimore theksuan se deri në njëzet gjeneralë mund të kenë vdekur.

Pesë gjeneralë janë ndër figurat e tjera të larta ushtarake ruse që humbën jetën në Ukrainë.

Bëhet fjalë për gjenerallejtënant Andrey Mordvichev, gjeneralmajor Oleg Mityaev, gjeneralmajor Andrei Sukhovetsky, gjeneralmajor Vitaly Gerasimov dhe gjeneralmajor Andrei Kolesnikov.