“Posta e Maqedonisë së Veriut” ka pranuar ofertën e propozuar nga banka Hallk Banka, pas falimentimit të bankës “Eurostandart”, bankë me të cilën posta reaalizonte shërbimet, transmeton Portalb.mk.

“Këshilli drejtues i ShA “Posta e Maqedonisë së Veriut” në seancën e sotme e pranoi ofertën përfundimtare për bashkëpunim të Sh.A. “Hallk Bank” – Shkup si më të volitshme, në përputhje me kriteret e miratuara për vlerësimin e ofertës”, raportojnë nga Posta.

Posta sqaroi se afati për implementim është dy muaj deri në realizimin e sistemit ekzistues që është përdorur deri më tani.

Këshilli drejtues i postës ka theksuar se ka propozuar deri te Qeveria e Maqedonisë së Veriut për të marrë pëlqimin për lidhjen e bashkëpunimit ndërmjet postës dhe bankës.

Ndryshe, Boro Veligdenov, kryetari i Sindikatës së Postës së Maqedonisë në muajin shtator vlerësoi se gjendja momentale në Postën e Maqedonisë, pas falimentimit të bankës “Eurostandard”, është një kërcënim për të punësuarit aty.

Ejup Rustemi, drejtori i Postës në Maqedoninë e Veriut kishte raportuar se në postë ka 110 milionë denarë më pak të hyra në muaj, ndërsa numri i transaksioneve tani është zero, derisa më herët janë kryer deri në 80 mijë gjatë ditës. Arsye për këtë problem llogaritet falimentimi i bankës “Eurostandard”. Rustemi me propozim të Qeverisë, do të jetë drejtor i ri i Ndërmarrjes Publike për ‘Rrugë Shtetërore’

Gjithashtu, në muajin tetor në seancën qeveritare, Qeveria miratoi tekstin e ri të Ligjit për ndryshimin e Ligjit për Shërbimet Postare, duke njoftuar se po përgatitet terreni për shitjen e Postës së Maqedonisë, pasi ajo filloi të zhytej në humbje dhe u bë e qartë se nuk kishte asnjë shpëtim. Një studim fizibilitetit do të kryhet për të parë se cilat janë mundësitë, por në propozim është shitja e plotë apo privatizimi ose një partneritet publiko-privat.

Qeveria e Maqedonisë së Veriut sot në seancën e 21-të vazhdoi me shkarkimin dhe emërimin e drejtorëve, zëvendësdrejtorëve dhe anëtarëve në institucionet shtetërore që janë nën kompetanca të saj, transmeton Portalb.mk.

Qeveria shkarkoi Bejnaz Arifin nga anëtari i Këshillit Mbikëqyrës në Shoqërisë aksionare për organizmin e lojërave të fatit, dhe në vend të tij të emëroi Skender Mehmetin.

Qeveria pranoi shkarkimin e Jasmina Delçeva Dizdareviq nga pozita e anëtaret së Komisionit nacional për tekstet.

Qeveria pranoi kërkesën për shkarkim të Dejan Ampev nga ushtrues i detyrës-zëvendës coordinator i Qendrës koordinative nacionale për menaxhimin me kufijtë.

Qeveria shkarkoi Musa Ibraimin nga pozita e zëvendësdrejtorit të Agjencisë për kadastër dhe patundshmëri, ndërsa në vend të tij të emërohet Arben Qerimi.

Zekir Jakupovski u shkarkuar nga pozita e u.d.-zëvendësdrejtor në Qendrën për menaxhim me krizat, ndërsa në vend të tij është emëruar Ekrem Zendeli.

Nazim Sulejmani do të jetë avokat shtetëror për rajonin e Kërçovës, ndërsa në Shkup e emëroi Avdil Jonuzin.

Jovanka Gjorgjeska nuk do të jetë avokate e shtetit në Tetovë, për shkak plotësimit të moshës së pensionit më 24 dhjetor, dhe filloi procedurat për përzgjedhjen e një personi në ate pozitë.

Seadet Jusufi do të jetë anëtar i Këshillit drejtues në Qendrën për arsim dhe trajnim professional, ndërkohë është shkarkuar Olimpija Hristova Zaevska nga pozita e anëtarës së Këshillit drejtues në Drejtorinë për zonat e zhvilluara në industrinë e teknologjisë, dhe në vend të saj është emëruar Shirete Elezi.

Qeveria propozoi Violeta Ilievskën për u.d-zëvendësdrejtore në Ndërmarrjen publike për rrugë-Shkup, ndërsa për ndërmarrjen “JASEN”-Shkup e propozoi Brahim Ajvazin për u.d-zëvendësdrejtor, ndërsa në Ndërmarrjen publike për infrastrukturë hekurudhore-Hekurudha të jetë Hari Lokvenec për u.d-drejtor.

Tetë edukatore në Tetovë kanë rezultuar pozitiv me koronavirus, ndërsa shtatë edukatore të tjera janë në izolim shtëpiak. Si pasojë e dyshimeve për përhapjen e virusin, në izolim janë edhe tre grupe të fëmijëve.

Nga numri i madh i të infektuarve, kemi edhe të punësuar të rezultojnë pozitiv. Kemi tetë edukatore në të gjitha objektet por në krahasim me numrin e të punësuarve dhe ato që janë pozitiv, rezulton i vogël. Ato janë numër i vogël që të na pengojnë punën nëpër çerdhe”-tha Ramije Dauti, Drejtoreshë e çerdheve “Rinia” Tetovë.

“Rasti i fundit ishte infektimi i edukatoreve në fshatin Xhepçisht të komunës së Tetovës, ku për pasojë, është mbyllur çerdhja dhe që prej ditësh nuk është më në funksion, ndërsa dy grupet e fëmijëve janë në izolim. Situatë e rënduar, po ashtu paraqitet më numrat e arsimtarëve dhe profesorëve të infektuar edhe në shkollat fillore dhe të mesme”

Nga Komuna njoftojnë se në Shkollat janë 22 mësimdhënës pozitiv dhe tetë grupe klasore në izolim, ndërsa në Shkollat e mesme ka të regjistruar 20 mësimdhënës me koronavirus. Që nga fillimi i pandemisë, në Tetovë me koronavirus janë infektuar 3159 persona./Alsat

Për herë të parë në Komunën e Dollnenit, u hap Njësiа Rajonale e Ministrisë së Bujqësisë, Pylltarisë dhe Ekonomisë së Ujërave.

Me këtë intervenim ne banorëve të Komunës së Dolnenit do t’ua mundësojmë që të kursejnë si në aspektin financiar ashtu edhe në aspektin kohor.

Tani e tutje ata nuk do të duhet të kalojnë deri në 30 km distancë për dokumentacione të ndryshme, kështu me hapjen e Njësisë Rajonale ata do të ulin kostot që kanë bërë deri më tani.

Në këtë komunë shumica e banorëve merren me bujqësi dhe kështu, nevoja për këtë ndërhyrje ishte e domosdoshme. Do të doja të falënderoja bashkëpunimin e kryetarit Xhemil Qamili me ndihmën e të cilit i bëmë të mundshme të gjitha këto.

Ministria e Bujqësisë, Pylltarisë dhe Ekonomisë së Ujërave është një partner i fermerëve dhe do të vazhdojë të jetë e tillë, ka shkruar Ministri Hoxha në Facebook.

Për herë të parë, që kur u shkarkua në mënyrë jokushtetutare nga posti i Reisul ulemasë së BFI-së, H. Sulejman ef. Rexhepi pranon të flasë dhe të rrëfejë para një trupi vullnetarësh të emëruar Këshilli për Mbrojtjen e Kushtetushmërisë së BFI-së. Biseda është zhvilluar në drejtim të shpalosjes së parregullsive dhe shkeljeve kushtetutare që nga shkarkimi i tij e deri në përpjekjet për ta rizgjedhur “reisin e ri”

Shkup, 15 nëntor 2020 – Sot, Këshilli për Mbrojtjen e Kushtetushmërisë së Bashkësisë Fetare Islame në RMV, organizoi një takim me Reisul Ulemanë H. Sulejman ef. Rexhpi, me të cilin zhvilloi një bisedë të gjatë dhe shumë të frytshme për sa i përket shfaqjes së problemeve në këtë Institucion dhe mënyrën e tejkalimit të tyre, gjithnjë në funksion të ruajtjes së unitetit të muslimanëve të vendit si dhe të autoritetit dhe integritetit të vetë Institucionit.

Takimi kishte për qëllim të hidhet dritë mbi fillet e problemeve, mbi shkaqet dhe shkaktarët e problemeve si dhe të ofrohen modalitete se si të zgjidhen ato pa e cënuar kushtetushmërinë e Institucionit si dhe të të gjitha akteve të tjera normative të tij.
Biseda u zhvillua mbi metodologjinë e pyetjeve të shtruara nga anëtarët e Këshillit dhe përgjigjeve të dhëna nga H. Sulejman ef. Rexhepi.

Reisul Ulema H. Sulejman ef. Rexhepi, për hirë të ruajtjes së kushtetushmërisë së BFI-së pranoi që për herë të parë të flasë që kur u shkarkua në mënyrë jo të ligjshme dhe me metoda puçiste, gjithnjë sipas tij.

“Vetë fakti që Shaqir Fetai i jep vetes të drejtë dhe kompetenca joligjore që të emërojë kordinatorët në myfti, do të thotë që ai, as kur ngriti iniciativë për të më shkarkuar, nuk ka pasur kuorum, i cili tani i duhet për ta zgjedhur për reis”, u shpreh efendi Rexhepi që në fillim të bisdës, për të vazhduar pastaj e për të zbardhur një fakt shumë interesant, sa autokritik aq edhe objektiv. “Le të supozojmë se unë paskam shkelur Nenin 58 të Kushtetuutës së BFI-së dhe për këtë më shkarkuan!

Po ai Nen nuk është se mund të shkilet për një ditë apo për një orë, shkelja e atij neni duhet të jetë në kontinuitet dhe për vite të tëra! Po këta që më “shkarkuan” a nuk ishin bashkëpunëtorë të mi të ngushtë? Unë gjithnjë kam vepruar sipas vendimeve dhe qëndrimeve të shumicës së Rijasetit ku kanë aderuar edhe këta puçistë të padiskutueshëm. Në të gjitha veprimet e mia kam pasur përkrahjen e tyre, kam pasur përurimet dhe përgëzimet e tyre, kam pasur duartrokitje prej tyre, kam pasur lavdërata e gatishmëri që të vetëflijohen për mua, në të mirë të interesit të përgjithshëm dhe të Institucionit tonë në veçanti. Si u bë që, brenda ditës, brenda një paradite të “vetëdiijësohen” disa vegla të shërbimeve të huaja, të tubohen në Gostivar dhe të më shkarkojnë sipas këtij Neni! Ata të gjithë kanë qenë krahu im i djathtë, në çdo veprim.

Të shkarkohem unë sipas atij neni kurse këta të bëhen gati për të ma zënë postin, vështirë se do t’ju shkojë për dore”, shprehet H. Sulejman ef. Rexhepi.
Në pyetjen tonë se pse dy ditë më vonë do të ofrojë edhe vetë dorëheqje, Reisul Ulema H. Sulejman ef. Rexhepi do të shprehet se, këtë hap e ndërmori pas konsultave me persona mjaft të rëndësishëm të Partisë Bashkimi Demokratik për Integrim, Musa Xhaferi dhe Blerim Bexheti të cilëve u shpjegova se të gjithë mund të përfundojnë në burg për shkak të falsifikimit të atij “dokumenti” sipas të cilit gjoja më shkarkuan. Këta përfaqësues të Partisë më lutën që të ndërmarr diçka dhe ta bëj këtë gjë “fat të kryer”, meqë ndodhemi në prag të zgjedhjeve të jashtëzakonshme parlamentare dhe, pasi të fitojë BDI-ja do ta marrë në dorë situatën e Bashkësisë Fetare Islame dhe se do të më rehatojnë edhe mua!

Tani, nga ky takim i sotshëm, unë kërkoj publikisht që BDI-ja të ndërhyjë dhe ta pengojë këtë krim që po kryehet mbi Kushtutën e BFI-së dhe mbi vetë Institucionin e myslimanëve të vendit. BDI-ja duhet ta ketë shumë të qartë se kjo çfarë po ndodhë për momentin brenda BFI-së është yndyrë e shërbimeve të huaja, në veçanti të shërbimeve ruso-serbe. Nuk mundet që shkelësit e Nenit 58 të më akuzojnë vetëm mua ndërsa vetë të bëjnë karrierë. Këtë karrierë ata mund ta bëjnë vetëm me lejen e BDI-së dhe më përkrahjen e shërbimeve intelegjente të huaja”, nënvizon efendi Rexhepi.

Po ashtu, Reisul Ulema H. Sulejman ef. Rexhepi apeloi te të gjithë myslimanët e vendit që ta pengojnë këtë masakër që po ushtrohet mbi Kushtetuën e BFI-së, ta pengojnë Shaqir Fetain dhe shokët e tij (Qani Nesimi, Qenan Ismaili, Shaban Sulejmani, Abedin Imeri etj.) që t’ua imponojnë porositë e shërbimeve të huaja duke ua caktuar për myftinj kuadrot të cilët as nuk kanë qenë të propozuar nga mexhlisi i xhemateve, as nga myftinitë dhe as të emëruar nga Rijaseti. Nuk mundet që njerëzit e shantazhuar të shndërrohen në “makinë votimi”, sepse ata nuk përfaqsojnë asnjë xhemat, asnjë organ, asjë titull. Gjithësesi që tërë kjo lojë do të paditet dhe do të bllokohet nga organet e drejtësisë, sepse, pushteti aktual e ka shumë të vështirë që ta marrë mbi vete barrën e shndërrimit të BFI-në në një Institucion në duart e bashibuzukëve”, thotë efendi Rexhepi.

Në pyetjen se sa janë kredibilë personat aktualë që petendojnë të bëhen reisë, efendi Rexhepi nënvizon se i tërë procesi është jokredibil, antikushtetues dhe shumë i rrezikshëm, i cili do të krijojë praktika që turlifarë krimineli, kur të ketë dëshirë e motive të dyshimta, të ngrisë iniciativë për t’u bërë “Reisul Ulema”! “Këta persona, si e para, kanë qenë bashkëpunëtorë të ngushtë dhe përkrahës me shpirt të personit që “paska shkelur Nenin 58 të Kushtetutës së BFI-së”. Këta persona janë akuzuar si hajna, si antiislamistë e si antikombëtarë. Këta persona, fillimisht duhet që t’i demantojnë këto akuza, të demantojnë se kanë qenë bashkëpunëtorë të mi të cilëve u kam dhënë murasele dhe që më kanë përkrahur në “shkeljen e Nenit 58”! Pastaj, që të gjithë e dinë se këtyre personave u kam bërë revizion financiar dhe, saktësisht e dimë se sa kanë vjedhur dhe çka kanë bërë me paratë e myslimanëve.

Nuk mundet që të më akuzojnë mua, të më shkarkojnë dhe me këtë të “pastrohen” nga unë duke hedhur kandidatura të veta për të ma rrëmbyer postin! Raportet nga ai revizion financiar i kam unë dhe, që të gjitha do të publikohen, një për një! Këta persona, nuk e plotësojnë kushtin kryesor – nuk dinë të lexojnë gjuhën e Kuranit e as ta flasin këtë gjuhë! Ky do të ishte një hendikep shumë i madh për perspektivën e Instiituconit tonë, sepse, shumica e marrëveshjeve preferohen të bëhen jo në prezencë të shoqëruesve e përkthyesve, por direkt në gjuhën e Kuranit”, thotë H. Sulejman ef. Rexhepi.

“Kushtetuta e BFI-së nënvizon në mënyrë shumë precize se kush mund të japë interpretim autentik të Kushtetutës, me këtë Kushtetutë është i paraparë Prokurori i BFI-së, është Komisioni Disiplinor! Të gjitha këta organe anashkalohen, vijnë deri te “shkarkimi im”, sipas porosive të shërbimeve policore, kurse unë për hirë të interesit kombëtar, sepse këtë ma kërkoi vetë BDI-ja, pranova të viktimizohem dhe, në fund, na del se synimi paska qenë që ky Institucion të kalojë e të jetë nën kontroll të plotë të politikave të huaja, që nuk shprehin kurrfarë interesi, as fetar e as kombëtar! Nëse e tolerojnë këtë gjë myslimanët e vendit, me këtë kemi vulosur fundin e perspektivës sonë të lumtur.

Edhe ndërkombëtarët duhet ta dinë këtë lojë të ndytë, sepse vetëm Një Zot e di se ç’mund të bëjnë shërbimet e huaja në emër të Institucionit tonë! Tani, ja ku jemi, teologët e vendit kanë ngritur këtë Këshill dhe unë ju përgëzoj dhe ju përkah në këtë qëllim shumë fisnik dhe islam, që ka të bëjë me mbrojtjen e kushtetushmërisë së BFI-së. Ju priftë e mbara dhe paçit ndihmën dhe bekimin e të Madhi Zot”, përfundon Reisul Ulema H. Sulejman ef. Rexhepi, në takimin informativ të organzuar nga Këshilli për Mbrojtjen e Kushtetushmërisë së BFI-së, themeluar nga një numër i konsiderueshëm imamësh e teologësh të vendit, të cilët insistojnë që të shpalosen të gjitha problemet, të debatohet e të diskutohet me të gjithë aktorët dhe faktorët që mund të kontribuojnë në tejkalin e kësaj situate me tendencë për t’u përshkallëzuar deri në atë nivel ku të gjithë do të dalim të turpëruar e të dëmtuar.

Ne, si Këshill, kemi nënvizuar që në fillim se transparenca e veprimit tonë do të jetë moto kryesore dhe se, do të bëjmë përpjekje që të bashkëbisedojmë edhe me palët e tjera si brenda BFI-së ashtu edhe me subjektet politike e me intelektuallë të ndryshëm, të vendit e ndërkombëtarë, me qëllim që të arrijmë deri te një situatë e denjë për një Institucion fetar islam.

Këshilli për Mbrojtjen e Kushtetushmërisë së BFI në RMV:
Shaban Azri – kordinator
Eset Shaqiri – zv/kordinator
Mirdi Brao – zv/kordinator