Kongresmenja Tulsi Gabbard (D-Hawaii), e parë nga shumë amerikanë si një rivale e mundshme për postin e Presidentit, ka shpërthyer në Twitter ndaj Donald Trump, duke i thënë atij se është bërë ku**a e Arabisë Saudite, pasi vazhdon të ruajë aleancën me Rijadin pas vdekjes së gazetarit Jamal Khashoggi.
Gabbard e ka shkruar fyerjen e ashpër pas një deklarate të mëparshme nga Trump, në të cilën ai tha se Shtetet e Bashkuara do të qëndronin pranë aleatëve të tyre sauditë, pavarësisht konkluzioneve nga CIA se Princi i Kurorës Saudite Mohammed bin Salman urdhëroi vrasjen e gazetari brenda konsullatës në Stambll në tetor.
Hey @realdonaldtrump: being Saudi Arabia’s bitch is not “America First.”
— Tulsi Gabbard (@TulsiGabbard) November 21, 2018
Trump pranoi se do të kishte qenë “shumë mirë” nëse princi i kurorës do t’i kishte marrë vesh planet për të vrarë Khashoggin, pasi mund t’i ndalte sipas tij, por për Presidentin e SHBA kontratat e armëve të “Lockheed Martin” dhe “Raytheon” me Arabinë Saudite janë arsye më e fortë se vrasja e gazetarit, që e shtyjnë atë të mos prishë aleancën e gjatë midis dy vendeve.
Ndërkohë, të mërkurën, Gabbard ka shkruar në Twitter se “të qenit kurva e Arabisë Saudite” nuk është lloji i politikës së jashtme “Amerika e Para” që Trump premtoi gjatë fushatës së tij presidenciale.
Gabbard, e cila është një veterane e Luftës në Irak, kundërshton përdorimin e ushtrisë amerikane në konfliktet e huaja. Ajo u përplas me ish-presidentin Barak Obama për politikën e Sirisë, duke sugjeruar që SHBA dhe aleatët e saj po shtynin për ndryshimin e regjimit në vend, por kishin injoruar pasojat e mundshme.
Word around the campfire is that @TulsiGabbard will run for President in 2020, This may mean that the issue of America’s role in the world will be seriously debated during the campaign. No other potential candidate opposes interventionist wars the way she does in this video, https://t.co/LhE76gosct
— Stephen Kinzer (@stephenkinzer) November 15, 2018
Ajo ka folur gjithashtu kundër luftëtarëve anti-qeveritarë të armatosur të SHBA-së në Siri, shumë prej të cilëve u shpallën ekstremistë xhihadistë. Gabbard gjithashtu vizitoi Sirinë në një mision privat të zbulimit të fakteve, gjatë të cilit ajo u takua me Presidentin sirian Bashar Assad pa i informuar demokratët kryesorë.
Pas udhëtimit, ajo u denoncua rrënjësisht nga anëtarët e të dyja partive si një “apologjiste e Assad”.
