Ballina Bota Mbi 40 tërmete janë regjistruar mbëmë në Granada të Spanjës (VIDEO+FOTO)

Mbi 40 tërmete janë regjistruar mbëmë në Granada të Spanjës (VIDEO+FOTO)

Rreth 42 tërmete të reja, me madhësi që lëkundeshin ndërmjet 1.5 dhe 4.5, u regjistruan të martën natën dhe herët në mëngjes të mërkurën në provincën spanjolle të Granadës, me epiqendra në qytetet e Santa Fe, Atarfe dhe Cúllar Vega, të njëjtat zona të prekura 3 ditë më parë nga një tërmet tjetër 4.4-shkallë që shkaktoi dëme materiale.

Tërmetet, të cilët shkaktuan lëkundje edhe në provinca të tjera andaluziane si Kordoba, Malaga dhe Jaen, provokuan skena frike në mesin e popullatës dhe qindra banorë dolën në rrugë, në kryeqytetin e Granadës në komunat e prekura, ku ata qëndruan deri më vonë mesnatë, duke harruar shtetrrethimin e vendosur nga pandemia Covid-19.

Kreu i Granadës, Luis Salvador, kërkoi qw tw bwhet kujdes me oxhaqet e ndërtesave ose ndonjë objekt që mund të binte në rrugë dhe dërgoi një “mesazh besimi dhe qetësie” duke u kërkuar banorwve të qëndronin në shtëpitë e tyre.

Kryebashkiakët e Atarfe dhe Santa Fe, epiqendra e shumicës së tërmeteve që goditën provincën e Granadës ditët e fundit, u solidarizuan me “shqetësimin” e popullsisë pas një jave lëvizjesh sizmike.

Kryetari i Bashkisë së Atarfe-së, Pedro Martínez, theksoi se “i gjithë qyteti” ishte në rrugë, shumw “njerëz morën makinën dhe dolën në qiell të hapur” si rezultat i tërmeteve të fundit.

Nga ana e tij, Manuel Alberto Gil, kryetari i Santa Fe, theksoi se “njerëzit tashmë mendojnë më të keqen, ata janë shumë nervozë dhe të shqetësuar”, dhe theksoi nevojën për të qetësuar publikun.

Delegati i Bordit në Granada, Pablo García, kaloi Planin e Urgjencës për Rrezik Sizmik në Andaluzi në fazën para-emergjente. Ky nivel karakterizohet nga monitorimi dhe studimi instrumental i fenomenit, përveç masave të informacionit për organet, autoritetet dhe popullatën.