Në gjithë territorin e Serbisë sot do të jetë në fuqi alarmi i verdhë meteorologjik për shkak të mjegullës dhe borës.
Shërbimi Hidrometeorologjik serb thotë se moti mund të jetë potencialisht i rrezikshëm.
“Dukuritë e motit që janë parashikuar nuk janë të rralla, por duhet kujdes nëse planifikoni aktivitete që janë të ekspozuara ndaj rrezikut meteorologjik. Informacioni mbi kushtet e pritshme meteorologjike duhet të vazhdojë. Mos ndërmerrni rreziqe të panevojshme”, thuhet në sqarimin e këtij institucioni.
Sipas parashikimit, në mëngjes do të ketë ngrica të dobëta dhe mjegull në disa vende në Serbi. Gjatë ditës pritet mot i vranët dhe i ftohtë, paradite kryesisht i thatë, pasdite në zonat e ulëta në vende me reshje të dobëta shiu dhe bore, në zonat kodrinore dhe malore me borë.
Temperatura më e ulët do të lëvizë nga -1 deri në 3 gradë, më e larta nga 3 deri në 7 gradë, në Beograd rreth 3 gradë./Tetova News
