Presidenti i Algjerisë, Abdelaziz Bouteflika, do të dorëhiqet para se të skadojë mandati i tij më 28 prill, ka bërë të ditur agjencia shtetërore e lajmeve.
82-vjeçari, që është në pushtet qe 20 vjet, ka vendosur të largohet pas disa javësh të protestave masive. Si rezultat, ai ka vendosur të anulojë planet për rikandidim për mandatin e pestë.
Zgjedhjet janë shtyrë dhe qeveria ka premtuar organizimin e një konference kombëtare për të diskutuar reformat.
Deri tash ishte e panjohur nëse Bouteflika ka vendosur të dorëhiqet apo jo.
Shumica e protestuesve, sipas BBC-së, kërkon gjeneratë të re të politikanëve në Algjeri.
