Presidenti francez Emanuel Macron refuzoi të testohej për C o v i d 19 pasi mbërriti në Moskë, ku u takua me presidentin rus Vladimir Putin.
Informacioni u konfirmua gjithashtu edhe nga Kremlini, raportoi Sputnik në anglisht, transmeton Tetova News.
Siç u tha, presidentit francez iu ofrua opsioni ose të bënte një test P C R për t’u afruar me Putinin, ose të respektonte masat paraprake për distancën fizike. Macron vendosi ta bënte këtë të fundit, nga shqetësimi se mostrat e tij të A D N-së do të përfundonin në duart e mjekëve rusë.
“Ne e dinim shumë mirë se kjo do të thoshte se nuk kishte shtrëngim duarsh dhe ajo tryezë e gjatë. Por ne nuk mund të pranonim të dorëzonim A D N-në e presidentit”, tha burimi, transmeton Reuters.
Në fund negociatat u zhvilluan në një tavolinë 4 metra të gjatë, gjë që shkaktoi spekulime se mund të ishte shenjë e marrëdhënieve të ftohta mes Rusisë dhe Perëndimit.
https://youtu.be/bNiNnsSzPCA
