Këshilltari i Presidentit Ilir Meta për Emergjencat Civile Shemsi Prençi ka deklaruar në emisionin “Log.” në ABC se strukturat shtetërore nuk kanë hartuar plan masash për periudhën vjeshtë-dimër për t’i paraprirë situatës së përmbytjeve.

Prençi hodhi poshtë deklaratën e ministres së Bujqësisë Milva Ekonomi duke theksuar se në Shkodër dhe Velipojë hidrovoret po punojnë me gjysmën e kapacitetit.

“IGJEUM i thotë qeverisë përgatituni se do kemi reshje me intensitet të lartë. Ne kemi pasur vite që kemi pasur reshje në formë shtrëngatash në 24 orë. Ajo që ka ndodhur, rezulton se pas miratimit të ligjit të ri për mbrojtjen civile në vitin 2019, strukturat shtetërore të mbrojtjes civile nuk kanë hartuar plan masash për periudhën vjeshtë-dimër.

Ministrja tha se i kemi të gjithë hidrovoret në punë. Në Velipojë dhe Shkodër punojnë me gjysmën e kapacitetit. E njëjta situatë është në të gjithë Shqipërinë”, u shpreh Prençi./abcnews.al

“Reshjet e fundit të shiut, kane shtuar sasinë e ujit nëpër lumenjtë e vendit. Nëpër disa pika kritike ku pati vërshime dy herë brenda pesë vitesh ka filluar edhe dheu të rrëshqet. Kjo ka shtuar frikën tek banorët, sidomos ata të fshatit Shipkovicë, Poroj dhe pjesës së poshtme të Tetovës”.

Në Shipkovicë, sidomos tek lagjja e përroit, nuk është lëvizur asnjë gurë në drejtim të mbrojtjes së banorëve nga vërshimet. Madje në këtë fshat ende nuk janë riparuar as dëmet nga vërshimet e vitit 2015 ndërsa ka banorë që ende nuk janë dëmshpërblyer nga shteti.

“ Asgjë s’kanë bë hiç. Më në rrezik kjo lagje është që ndodhi atë mot. Vijmë bëjnë matje çdo vit, por s’kanë bë asgjë”.

“Unë e kam të shtëpia ende dheun te livadhi im prej kur ishin vërshimet. Pa pastruar mirë ka mbet nuk është pastru”.

“Jemi mësuar ma s’kemi çka të bëjmë. E shihni vet intervenim s’ka, siç ka mbet ashtu është, asgjë s’kanë bë. Ka mbet katastrofë, që në 2015 s’kanë prekur asgjë”.

Nga shtrati i lumit nuk janë pastruar ende tërësisht materialet inerte që nga vërshimet e vitit 2015, ndërsa digat e premtuara në Poroj e Tetovë, mbetën vetëm premtime. Nga Komuna e Tetovës, thonë se janë në fazë të vlerësimit të rrezikut nga vërshimet.

“Bashkëpunimi ynë me UNDP shkon kryesisht drejt vlerësimit të rrezikshmërisë. Besojmë se në një aks kohor brenda një viti me përfundimin e gjitha debateve publike do arrijmë që edhe ta aprovojmë”-tha Teuta Arifi, Kryetare e Komunës së Tetovës.

Reshjet e dy ditëve të fundit të shiut, bllokuan edhe aksin rrugor Mavrovë-Dibër si pasojë e rrëshqitjes së dheut, me ç’rast qindra banorë mbetën të ngujuar, ndërsa dhjetëra fshatra të Dibrës, dhe të Qendrës Zhupa, mbetën pa energji elektrike. Gjatë ditës së sotme, kjo rrugë është pastruar ndërsa pritet lëshimi i energjisë elektrike edhe për disa fshatra.

Banorët e Strugës tashmë disa ditë po përdorin ujë të turbulluar. Nëse deri para vetëm dhjetë ditësh qyteti dhe zona përreth kishin problem me mungesën e ujit, tani për shkak të reshjeve të mëdha, uji nga e premtja nuk është i pijshëm dhe ka marrë ngjyrë kafe. Banorët e Strugës janë të revoltuar dhe kërkojnë përgjegjësi nga autoritetet në komunë.

“Nuk është i pijshëm. Pas shiut është turbulluar. Nuk lejohet kjo. Duhet rregulluar disi. Kush duhet të përgjigjet? Thonë se është krizë për ujë, se është mot i thatë.”

“Kompetente është Ndërmarrja Publike “Ujësjellës dhe kanalizim”. Faturat i sjellin kur të duan nëse vonoheni me pagesën, ka normë interesi. Nëse i përmbush detyrimet Ujësjellësit, duhet të kemi ujë cilësorë”.

Problemi me turbullirën e ujit nga ujësjellësit i qytetit në Strugë është disa vjeçar dhe ndodh pothuajse gjithmonë, kur ka më shumë shi. Qendra e Shëndetit Publik në Ohër informon se përsëri kanë marrë mostra uji nga sistemi i ujësjellësit të Strugës dhe pas analizave do të njoftojnë deri kur do të ndalohet përdorimi i ujit dhe nëse është i dëmshëm. Nga Ndërmarrja publike “Ujësjellës dhe kanalizim” thonë se u kanë dërguar shkresë kompanive që kanë ndërtuar hidrocentrale të vogla në burimet pranë Belicës së Epërme gjegjësisht përgjatë vijës nga buron uji, pasi besojnë se problemi vjen prej atje. Informojnë se ndalimi i përdorimit të ujit të pijshëm është ende në fuqi.

Qeveria nuk i ka hartuar ende ndryshimet në Ligjin për Mbështetje Financiare për qytetarët të cilët në dhjetor nuk arritën t’i merrnin gjashtë mijë denarët e premtuar nga shteti. Gjithsej 22 mijë qytetarë do të presin që ndryshimet e propozuara të kalojnë në seancë qeveritare dhe më pas i njëjti propozim të dërgohet në Parlament. Pa dritën jeshile nga deputetët në Parlament, bankat nuk do të mund t’i paguajnë paratë. Qeveria siguron se i gjithë procesi do të përfundojë deri në fund të këtij muaji.

Ndryshimet në Ligjin për Mbështetje Financiare janë duke u përgatitur dhe do të shqyrtohen së shpejti në seancë të Qeverisë, ndërsa për këtë opinioni do të informohet. Ndryshimet do të mundësojnë që rreth 22 mijë qytetarë të cilët nuk arritën t’i përditësojnë të dhënat në llogaritë bankare ta bëjnë këtë brenda një periudhe të caktuar në mënyrë që të mund të bëhet pagesa e ndihmës prej 6,000 denarësh. Presim që procesi të përfundojë gjatë këtij muaji, pasi për ndryshimet ligjore të prononcohet Parlamenti – njoftojnë nga Qeveria e RMV-së.

Para duhet të marrin edhe 2 132 qytetarë të tjerë të cilëve iu pranuan ankesat. Për shkak të afateve ligjore, disa nga qytetarët nuk i tërhoqën paratë sepse nuk arritën të hapnin llogari të re transaksioni, të azhurnonin të dhënat me kërkesë të bankave ose të hapnin një llogari të dedikuar nëse llogaria e tyre ekzistuese ka qenë e bllokuar. Kjo masë bën pjesë në grupin e katërt të masave ekonomike për të cilën u ndanë 27 milion euro nga buxheti. Por deri më tani nuk është zbardhur, sa para u janë transferuar qytetarëve. Fillimisht, Qeveria njoftoi se rreth 280,000 qytetarë do të merrnin ndihmë.

Në Komunën e Fushë Kosovës janë përmbytur shumë rrugë. Raportohet bodrumet e banesave janë mbushur me ujë ndërsa shumë vetura janë përmbytur si pasojë e përmbytjeve.

Banorët e një lagjeje të Fushë Kosovës thonë se dëmet që janë shkaktuar kanë qenë shumë të mëdha derisa sipas tyre ndihma e institucioneve shtetërore ka munguar.

“Uji që ka filluar të rrjedhë nga ora 1:00 pas mesnate na është futur nëpër bodrume. Rreth 200 vetura na kanë mbetur në bodrume të cilët i ka përmbytur tërësisht uji”, shprehet qytetari Arianit Dreshaj për RTV Dukagjinin.

“Shiu ka shkaktuar dëme të mëdha. Veturat komplet i ka përmbysur uji. Nuk dihet që ka vetura në garuzhda. Kemi pritur shtatë orë deri kanë ardhur zjarrfikësit që së paku ndonjë kerr me shpëtua”, thotë qytetari tjetër Mujë Zabeli.

Një tjetër qytetarë thotë se vërshimet kanë shkaktuar dëme në mall dhe pajisje.

“Këto vërshime më kanë shkaktuar dëme të mëdha materiale. Vetëm në punëtori më ka shkaktuar dëm rreth 70 mijë euro”, deklaroi qytetari Rrustem Mustafa.

Për shkak të kësaj situate disa qytetarë u konfrontuan me ndërtuesit e banesave pasi sipas tyre ndërtimi i keq ua ka sjellë këto përmbytje.

14 kandidatë kanë aplikuar për anëtarët e Komisionit Shtetëror të Zgjedhjeve, përfshirë anëtarët e mëparshëm dhe aktualë, si dhe punonjësit në shërbimet e Komisionit dhe avokatë.

Nga VMRO-ja kandidat janë Boban Stojanoski dhe Aleksandar Dashtevski, ndërsa Krenar Lloga është kandidat për anëtar që vjen nga Aleanca për Shqiptarët, ndërsa nga BDI është Ditmire Shehu.

Kandidatët e tjerë janë: Janake Vitanovski, Boris Kondarko, Beti Gjorgievska, Oliver Ristovski, Ljupka Guguçevska Filiposka, Radica Risteska, Elizabeta Postolovska, Dimitar Spaseski, Krenar Lloga dhe Zoran Mihajloski.

Kandidatët e emëruar nga partitë duhet të marrin shumicën e dy të tretave. Konkusrin që Kuvendi shpalli para Vitit të Ri, kanë kandiduar 14 kandidatë, ndërsa sot Komisioni për Zgjedhjet dhe Ndryshimet duhet ta përfundojë këtë listë. Mandati i përbërjes aktuale të KSHZ-së përfundon më 15 janar.

Moti sot është i vr anët me reshje të shiut. Nga pasditja do të fillojë të fryjë erë mesatare veriore. Temperatura maksimale do të jetë në interval prej katër deri në 11 gradë.

Siç kumtoi Drejtoria për punë hidrometeorologjike (DPHM), nesër moti do të jetë i vranët me reshje lokale dhe më të dobëta të shiut, ndërsa në malet borë. Do të fryjë erë mesatare deri në të përforcuar, veçanërisht përgjatë Luginës së Vardarit, e cila do të mbahet edhe në ditët në vijim.

Për shkak të depërtimit të masës së ajrit të ftohtë nga veriu të mërkurën pasdite dhe të enjten do të ketë reshje lokale, të cilat pothuajse do të jenë me borë kudo. Të premten dhe gjatë fundjavës do të jetë shumë ftohtë, ndërsa temperatura në pjesën më të madhe të vendit do të mbetet nën zero gjatë gjithë ditës.

Duke filluar nga e mërkura, temperatura minimale do të jetë nën zero, në intervalin prej minus dy deri në minus 10 gradë. Më ftohtë do të jetë të dielën, me temperaturë minimale prej minus 12 deri në minus katër gradë.

Temperatura maksimale do të lëvizë nga minus pesë deri në 11 gradë. Të dielën, temperatura maksimale do të jetë nga minus shtatë deri në dy gradë.

Këto vetura po kthehen pas. Shoferët nuk dëshirojnë të rrezikojnë makinat dhe nuk kalojnë mbi ujin që është grumbulluar. Situatë e ngjashme krijohet çdo herë që ka reshje në rrugën që lidh vendbanimet e komunës së Sarajit me autostradën Shkup-Tetovë, shkruan gazeta LAJM.

Disa shoferë me vetura më të mëdha e kalojnë ujin, por thonë se edhe atyre u rrezikohen automjetet. Ka raste kur për shkak të reshjeve të dendura, hyrja dhe dalja në autostradë bllokohen tërësisht.

Për këtë shkak qytetarët detyrohen të bëjnë rrugë më të gjatë për të arritur në destinacionin e tyre.

Qytetarët bëjnë thirrje që autoritetet të gjejnë zgjidhje për këtë problem.

Gjendje e rëndë nëpër gjithë Kosovën pas reshjeve të mëdha të shiut. Përmbytje janë raportuar gjithandej nëpër Kosovë.

Gjendje e rënduar është pothuajse në të gjitha komunat e Kosovës.

Një qytetar nga Vushtrria ka shpërthyer në lot, pasi vërshimet ia ‘morën’ shtëpinë.

“Këta neve na e ka ba komuna, qeky ujë del qitu atje ka dalje. Qe dy vjet neve po na ndodhë qekjo”, ka thënë ai në kanal10.

https://youtu.be/uud56ZBkfHI