VIDEO e frikshme: Terrorizohet peshkatari, rrethohet nga 30 peshkaqenë

Ky është momenti i frikshëm kur një peshkatar është gjetur në një situatë vërtet tmerruese ku barka e tij është rrethuar nga 30 peshkaqenë.

Ben McJannett po peshkonte në brigjet e Mooloolaba të Queenslandit, kur nën barkë iu krijua një grup grabitqaresh.

Videoja tregon momentin dramatik kur peshkatari futi dorën në ujë për t’i filmuar, ndërsa njëri prej tyre i dha një goditje të fuqishme.

Peshkatarët e zonës, thonë se numri i peshkaqenëve në këto ujëra po shkon duke u rritur dhe gjithnjë e më shumë po qëndrojnë në hapësira të cekëta. (TemA)

I riu vendos rekord botëror, thyen me kokë 51 shalqi në 1 minutë (VIDEO)

Një njeri pakistanez shkatërroi 51 shalqi me kokën e tij në një përpjekje për të thyer një rekordin botëror.

Videoja tregon Rashid Naseem, 32 vjeç, nga Karaçi, duke thyer me kokë në një minutë 51 shalqi.

Ai ja arriti që t’i rrëmbejë rekordin botëror që mbahej nga Tafzi Ahmed i cili kishte thyer me kokë në një minutë 43 shalqi. (TemA)

Për 33 milionë dollarë shiten targat e veturës në Dubai

Në një ankand në Duabia, targat e një veture janë shitur për hiç më pak se 33 milionë dollarë.

Çmimi fillestar ishte 30 milionë, më pas ai u rrit në 33 milionë.

Mirëpo, veçoria e këtyre tabelave është se në to shkruhet “D Dubai 5”, por që shkronjat “uba”, janë me ngjyrë të kuqe dhe që e bëjnë të veçanta këto targa, transmeton “Zeri.info”.

Por një “çmenduri” e tillë ndodh vetëm në Dubai dhe askund tjetër.
Për më shumë, shikojeni videon e mëposhtme.

Ku ndodhet Ligji i Gjuhës?

Ligji për përdorimin e gjuhëve ende nuk ka arritur në “Gazetën zyrtare”, ka deklaruar sot drejtori i këtij institucioni Martin Kostovski.

“Ende nuk ka arritur ligji në hapësirat e ‘Gazetës zyrtare’. Si institucion përgjegjës do të veprojmë konform kushtetutës dhe ligjeve që i dedikohen publikimit të gjitha rregullave”, ka thënë Kostovski.

I pyetur të komentojë se si janë ato procedura, Kostovski ka thënë se nuk dëshiron të spekulojë më shumë.

Kryetari i Kuvendit Talat Xhaferi ditë më parë paralajmëroi se ka ndërmend të dërgojë ligjin e gjuhëve në “Gazetën zyrtare” por pa precizuar afatin kohor.

Angjushev: Jugohrom pa filtra nuk mundet të filloj punën

Zv/kryeministri për çështje ekonomike Koço Angjushev pranoi kërkesën e Sindikatës së punëtorëve dhe drejtorit të kombinatit Jugohrom për takim. Megjithatë Angjushev u shpreh i prerë se pavarësisht këmbënguljes së punëtorëve kombinati nuk mund të rifillojë me punë pa i vendosur filtrat. Angjushev gjatë vizitës së tij në Tetovë shtoi se ndihma e vetme që mund t`i bëj Jugohromit është gjetja e një zgjidhjeje mes bankave dhe kompanisë që të sigurohen mjete për vendosje sa më të shpejtë të filtrave.

Ne si Qeveri bëmë gjithçka që ta inkurajojmë pronarin e Jugohromit që ta vë filtrin sepse e dini sa e ndjeshme ishte tema e ndotjes që bënte Jugohromi.. qëllimi është që të ndërtohet filtri dhe të kujdesemi edhe për ekonominë por edhe shëndetin e banorëve…bisedojmë intensivisht me bankat sepse ne si shtet mund t`i inkurajojmë dhe t`i ndihmojmë me masat që i miratuam me Ligjin sepse shteti nuk jep dot para në firma private pa bazë – tha Koço Angjushev, zv/kryeministër për çështje ekonomike.

Nga ana tjetër, kreu i Sindikatës së Punëtorëve të Jugorhomit Bajram Amiti, këmbëngul se Qeveria duhet të japë leje për rihapje të kombinatit, me qëllim që nga puna e kombinatit të sigurohen mjetet për vendosjen e shpejtë të filtrave dhe kthimin e punëtorëve në fabrikë.

Prej momentit që do fillojmë instalimin e sistemit të filtrimit, do kërkojmë takim në Qeveri me zotërin Zaev dhe Angjushev dhe besoj që do gjejmë një rrugëdalje dhe do fillojmë me punë – deklaroi Bajram Amiti, Kryetar i Sindikatës së punëtorëve të Jugohromit.

Si pasojë e punës pa filtra Jugohromi është mbyllur në nëntor, dy vjet më parë ndërsa deri më tani, përveç pllakës së Betonit ku do vendosen filtrat, ende nuk ka asnjë lëvizje përpara./am/

Pesë dietat më të mira për diabetikët

Ushqimi për personat e prekur nga diabeti duhet të jetë jashtëzakonisht i shëndetshëm.

Nëse ushqeheni me rregull atëherë kjo ndikon në kontrollin e sheqerit, peshës trupore dhe disponimin tuaj të mirë

Këto janë disa nga dietat të cilat në tërësi janë të përshtatura për personat e prekur nga diabeti.

Dieta standarde

Mos përdorni ushqim të fërguar, ëmbëlsira, pije të ëmbla dhe çdo gjë që është me kripë dhe e ëmbël. Në vend të kësaj fokusohuni në perime, drithëra integral, prodhime qumështi dhe me yndyrë të ulët, pemë dhe yndyra të shëndetshme.

Dieta mesdhetare

Në këtë grup bëjnë pjesë shumë pemë dhe perime, peshq, mish pule, drithëra integrale. Por, duhet shmangur mishin e kuqe, kripën dhe gjalpin.

Dieta Dash

Në kuadër të kësaj diete konsumohet pemë, perime, prodhime qumështi me yndyrë të ulët, drithëra integrale, arra dhe fasule. Hulumtime tregojnë se nëse i përmbaheni si duhet kësaj dite, vjen deri tek ulja e nivelit të sheqerit në gjak dhe humbja në peshë.

Dieta e zonës

Shujtat duhet të përmbajnë 40 për qind të karbohidrateve, 30 për qind proteinë dhe 30 për qind yndyra. Për shembull, mund të hani mish pule, por nuk guxoni të përdorni patate.

Studimi nga viti 2015 tregon se kjo dietë ka veprim pozitiv në kontrollin e glikemisë dhe madhësisë së belit, kështu që mund të jetë i mirë për ju. Para se të vendosni për këtë lloj diete, konsultohuni me mjekun.

Ushqimi vegjetarian

Kufizimi ose shmangia e prodhimeve të mishit si të pulës, peshkut dhe jogurtit mund të jetë ushqim i shëndetshëm. Studimet tregojnë se njerëzit që ushqehen me ushqime bimore marrin më shumë fibra, më pak kalori dhe yndyra./pe/

Njihuni me pilotin shqiptar që bombardoi Serbinë: Jam krenar! (VIDEO)

Nën komandën e Wesley Clark ka qenë edhe piloti shqiptar Lekë Buçaj. Ai në një deklaratë dhënë për RTK-në ka rrëfyer pasionin e tij që kishte për ta goditur sa më shumë Serbinë. Kosova përjetoi mjaftë kohë të vështira për të ardhur deri në këtë ditë. Ky është piloti shqiptar që e bombardoi Serbinë.

“E kam ndier veten krenar, kam dashtë me ba edhe ma tepër por nuk dija se si, si mund të bëja më tepër. Çdo dy ditë ishim nëpër fluturime nja 10-12 orë, atëherë ktheheshim për nja 7-8 orë pushonim, atëherë prapë në ajër. Por thash, si mund të marrë pjesë edhe më fort….ëndërroja që ndoshta një raketë e dërgojmë poshtë e mundem me dorë me ndihme“, tha Buacaj

Në nderim të gjeneralit Clark, në Muzeun e Kosovës mbahet uniforma dhe kapela e tij ushtarake. Po ashtu, në muze mbahet edhe xhupi i ish-ambasadorit William Walker.

Bisedë me një nostalgjik të PPD-së nga Llërca (VIDEO)

Bisedë me një nostalgjik të PPD-së nga Llërca:

Një lugë uthull molle para gjumit, ja çfarë i keni bërë organizmit

Lajmi se uthulla është e shkëlqyer për shëndetin ka marrë dhenë, por ky produkt të befason çdo ditë. Kur vjen puna tek uthulla, ka gjithmonë një dilemë e cila ka të bëjë kryesisht me kohën kur uthulla duhet pirë.

Shumë njerëz rekomandojnë pirjen e uthullës në mëngjes, mundësisht me stomak bosh. Të tjerë, betohen për të mirat që vijnë nëse uthulla pihet në mbrëmje.

Në shumicën e rasteve, sistemi tretës nuk arrin të përballojë diçka më shumë se kafeja apo tërshëra dhe për uthullën as që bëhet fjalë. Ekspertët bien dakord se efikasiteti i uthullës, kryesisht asaj të mollës varet jo vetëm nga koha kur e pini por edhe nga mënyra se si e përballon dhe kërkon trupi.

Uthulla stabilizon nivelet e sheqerit në gjak
Studimet shkencore kanë treguar se pirja e uthullës përpara gjumit mund të jetë jashtëzakonisht mirëbërëse për pacientët e diagnostikuar me diabet. Një studim i Arizona State University tregoi se pirja e dy lugëve gjelle me uthull dhe pak djathë përpara gjumit së bashku me ilaçet kundër diabetit ulte ndjeshëm nivelet e sheqerit në gjak të nesërmen.

Uthulla shëron fytin e thatë
Gjatë stinës së ftohtë, gjasat që të prekeni nga simptomat e gripit dhe të të ftohurës janë të mëdha. Bakteret përgjegjëse që përthajnë fytin shkatërrohen nga aciditeti i uthullës së mollës. Ekspertët rekomandojnë pirjen e një gllënke me uthull molle gjysëm deri në një orë përpara gjumit që në mëngjes të jeni si kokrra e mollës.

Uthulla për një gjumë të mirë
Gjumi është i domosdoshëm për të përballuar me sukses sfidat e ditës. Sekreti i një nate të qetë dhe gjumi të patrazuar mund të jetë uthulla e mollës. Një lugë gjelle me uthull molle të shkrirë në një gotë me ujë të ngrohtë e mjaltë ju vë në gjumë.

Kundër erës së keqe të gojës
Era e keqe e gojës mund të jetë e tmerrshme në mëngjes. Por ju mund të merrni masa për ta parandaluar atë duke pirë një lugë çaji me uthull në mbrëmje për të shkatërruar bakteret që lulëzojnë në gojë.

Uthulla zhbllokon hundët
Pamundësia e të thithurit ajër përmes hundës është e tmerrshme. Uthulla ju vjen në ndihmë për të zhbllokuar hundën dhe rrugët e frymëmarrjes sepse është e pasur me kalium, magnez, vitaminat A, B1, B2 dhe E. Shtoni një lugë çaji me uthull molle në një gotë me ujë dhe pijeni ngadalë përpara gjumit.

Uthulla ndihmon tretjen
Nëse zgjoheni në mëngjes me dhimbje abdominale, fajin e ka tretja. Ky lëng fantastik zgjidh problemet me tretjen, zorrët dhe urthin. Pini një lugë çaji me uthull molle të tretur në një gotë me ujë përpara se të flini. Me gjithë këto të mira, uthulla puro e mollës nuk duhet të mungojë në sirtarin e kuzhinës./AgroWeb/

Ja cilat janë efektet anësore të stresit

Stresi me të vërtetë është i keq. Ai humbë energjinë tuaj, dëshirën tuaj për të bërë gjëra dhe krijon një problem për jetën tuaj.

Dhe, stresi i përditshëm mund të ngatërrohet me mendjen dhe trupin tuaj në mënyrë serioze. Kontrolloni këto simptoma frikësuese të stresit, dhe mësoni se si t’i menaxhoni këto efekte anësore.

Ju bën të lodhur

Përveç faktit se ankthi mund të ju mbajë zgjuar gjatë natës, frika shkakton që truri juaj të lirojë kortizolin i cili gjendet në gjakun tuaj. Ky kemikal i dobishëm i shpejton rrahjet e zemrës tuaj, i jep trurit tuaj më shumë oksigjen, dhe liron më shumë energji për ta ndihmuar trupin që ta kontrollojë stresin. Por, stresi i shpeshtë mund të shkaktojë që truri juaj ta kufizojë sasinë e kortizolit që e dërgon në gjakun tuaj, i cili ju bën të ndjeheni keq gjatë ditës. Lajmi i mirë është që të punoni për tre orë në javë do të bëni që këto nivele të hormoneve të jenë nën kontroll. Pra, çfarë po prisni? Lëvizni!

Shqetëson tretjen tuaj

Nyjet në barkun tuaj mund të jenë më shumë se vetëm një ndjenjë e thjeshtë. Stresi kronik mund të ndikojë në hormonet që lirohen nga gjëndrat tiroide, të cilat rregullojnë metabolizmin tuaj. Nëse këto hormone pengohen gjatë lirimit, mund të çojë në kapsllëk. Kur ndjeni se e keni këtë simptomë, shkoni në palestër, pini shumë lëngje, rritni konsumin e fibrave, transmeton Lajmi.net.

Ju bën që të keni puçrra

Kur jeni me të vërtetë në stres, nivelet e hormoneve të seksit të quajtura androgjenë gozhdohen në trupin tuaj, duke shkaktuar puçrra në fytyrë. Kur kjo ndodhë, ju mund të përdorni trajtime aktuale. Përveç puçrrave në fytyrë, stresi mund të shfaqet edhe në pjesë të tjera të lëkurës në formë të skuqjes. Kjo për shkak se ankthi bën kërdi në sistemin tuaj imunitar, i cili mund të shkaktojë edhe infeksione të lëkurës.

Ju bën që të harroni

Stresi traumatik, i cili ndodh kur nuk jeni në gjendje të përballeni me disa situata të pakëndshme në jetën tuaj apo në jetën e një të dashuri tuaj dhe shfaqet si një frikë intensive apo pafuqi, ndikimet e të cilit prekin seriozisht hipotalamin tuaj, zonën në trurin tuaj në të cilin ruhen kujtimet. Ky lloj stresi mund të bëjë që hipotalami të tkurret, duke e bërë të vështirë të mbani në mend fakte, emra, ngjarje. Plus, dëmi nga stresi mund ta bëjë të vështirë që të krijoni kujtime të reja.

MPB SHËNON DITËN E POLICISË, NUHIU PËRKULET PARA “BRANITELLAVE” (VIDEO)

Ministria e Punëve të Brendshme shënoi ditën e policisë, 7 majin me nderime tek përmendoret e policëve të vrarë, në aksione të ndryshme policore. Ministri Oliver Spasovski ishte i shoqëruar nga zëvendësi i tij Agim Nuhiu të shoqëruar nga sekretari shtetëror, drejtori i byrosë për siguri publike u përkulën para përmendoreve të Branitellave.

Të pranishëm tradicionalisht ishin edhe familjarët e policëve të vrarë, në mesin e të cilëve edhe disa familje shqiptare. Ministria ndau edhe disa mirënjohje për policët e dalluar. Ditës së policisë i paraprinë disa aktivitete në qytete të ndryshme të Maqedonisë ku është demonstruar fuqia dhe organizimi i njësiteve të ndryshme në MPB të cilët kanë demonstruar ushtrime se si veprojnë aksione të caktuara.

Në këto evenimente ministri premtoi rritje të rrogave për policët por edhe kushte më të mira për punë, shkruan SHENJA.

Xhinxher dhe mente, përshpejtoni rënien në peshë

Shumë njerëzve u duhet të përshpejtojnë metabolizmin, prandaj kanë vështirësi të humbin peshë, pavarësisht dietave. Duke patur një metabolizëm të ngadaltë, djegin më pak kalori se normalisht dhe prandaj shëndoshen më lehtësisht.

Pija me xhinxher dhe mente ndihmon në përshpejtimin e metabolizmit dhe për rrjedhojë rënien në peshë.

Këto janë shenjat e një metabolizmi të ngadaltë:

Shëndoshemi lehtësisht
Pavarësisht dietave e kemi të vështirë të humbim peshë
Tentojmë të mbledhim dhjam rreth belit

Jemi njerëz të ftohtë
Ndjehemi shpesh të lodhur

Mezi zgjohemi në mëngjes
Tretja jonë është e ngadaltë dhe e rëndë
Mund të kemi tendencën e kapsllëkut

Receta e xhinxherit dhe mentes

Për të përgatitur këtë pije ju duhet mente e freskët, një degë, një copë xhinxher i freskët, ose 6 gr xhinxher pluhur, 1 litër ujë dhe stevia për ta ëmbëlsuar.

Përgatitja:
Mjafton ti kalosh në frulator të gjithë këta përbërës dhe më pas e filtrojmë. Mund të pihet e ngrohtë ose e ftohtë. Për të dhënë efektet duhet ta konsumojmë larg vakteve, sidomos në mëngjes esëll. Në këtë mënyrë e nisim ditën me energji dhe gati për të djegur kalori./pe/

Boshkovski: Mijallkov me siguri është i gatshëm t’më kërkojë falje

I dëmtuari në rastin “Tortura”, Lube Boshkovski, pas anulimit të seancës së sotme tha se mendon që Sasho Mijallkov me siguri është i gatshëm t’i kërkojë falje dhe se kjo pyetje do të duhet t’i parashtrohet Mijallkovit.

Boshkovski shtoi se të falësh është mirë megjithatë të mos harrohet, siç tha ai, ajo torturë dhe regjimi në të cilën kaloi Maqedonia.

“Ai u ngrit të më përshëndet, me siguri të kërkojë falje për atë që ka bërë në të kaluarën. Ne kemi mirëkuptim. Ata janë në gjendje të vështirë, nga njerëzit më të fuqishëm në shtet tani janë në gjendje të luftojnë për lirinë e tyre dhe patjetër të kemi mirëkuptim për gjendjen ku janë”, ka thënë Boshkovski.

Në pyetjen lidhur me shtyrjen e seancës së sotme, Boshkovski u përgjigj se është objektive të ketë kështu situatash sepse ky rast ka më shumë persona të përfshirë.

Seanca gjyqësore për lëndën e PSP-së “Tortura” që ishte paraparë të mbahej sot në Gjykatën Penale në Shkup u shty për më 13 qershor për shkak të mungesës së të dyshuarit të tretë, Novica Stankovski./am/

Qeveria: Shaqiri do të jetë këshilltar për çështje të sigurisë dhe radikalizmit

Qeveria e Maqedonisë ka lëshuar sot një komunikatë ku sqaron angazhimin e Xhezair Shaqirit në ekzekutiv. Ish-deputeti është bashkëpunëtor i jashtëm dhe do të angazhohet për të dhënë këshilla në fushën e sigurisë së brendshme dhe të luftimit të radikalizmit, në kuadër të kabinetit të kryeministrit.

Xhezair Shaqiri ka një kontratë të përkohshme me kohëzgjatje prej një viti, me një pagë prej 36,000 denarë në muaj. /SHENJA/

Takohen Zaev dhe Ivanov, bisedojnë për guvernatorin e ardhshëm

Presidenti Gjorgege Ivanov dhe kryeministri Zoran Zaev sot duhet të realizojnë takim për harmonizimin e qëndrimeve rreth zgjedhjes së guvernatorit të Bankës Popullore të Maqedonisë. Takimi vjen me kërkesë të kryeministrit Zaev, menjëher pas vendimit që shumica parlamentare nuk mbështet guvernatorin aktual Dimitar Bogov edhe për një mandate.

Parashikimi i motit

Edhe sot moti në Maqedoni pritet të jetë i ndryshueshëm, me periudha me diell dhe erë që fryn nga veriu.

Pasdite parashikohet të ketë rritje të vranësirave, të cilat mund të shoqërohem me shi dhe stuhi. Temperaturat maksimale ditore do të shkojnë nga 20 në 29 gradë celsius.

Në ditët në vijim, vazhdon periudha e motit të ndryshueshëm me reshje të shiut, stuhi dhe erë, sidomos pasdite.

Deri në fund të javës, moti parashikohet të jetë i ndryshueshëm, i vrenjtur e me shi. Temperaturat e mëngjesit do të jenë në intervalin prej 6 deri në 15 gradë dhe gjatë ditës nga 18 në 28 gradë celsius. /SHENJA/

Kurrë mos e mbani urinën gjatë, ja pse

Qoftë për shkak të një dite të zënë në punë apo filmit të ngazëllyer, është normale për njerëzit që t’i rezistojnë nevojës për të urinuar herë pas here.

Kapaciteti normal i fshikëzës është rreth dy gota të lëngshme dhe madje edhe më pak për një fëmijë. Fshikëza mund të shtrihet për të mbajtur më shumë se kjo, por duke bërë kështu shumë shpesh mund të jetë e rrezikshme.

Mos shkuarja me rregull në banjë për të urinuar nuk rekomandohet.

Mbajtja e urinës mund të çojë në disa efekte të padëshiruara. Në një të rritur të shëndetshëm, herë pas here duke mbajtur urinën nuk do të shkaktojë probleme, por mund të ketë disa efekte të padëshiruara nëse bëhet zakon. Kur fshikëza mbushet përgjysmë me urie, ajo dërgon një sinjal në tru që është koha për të shkuar në banjë.

Truri krijon nevojën për të urinuar, ndërsa ‘urdhëron’ fshikëzën për ta mbajtur.

Ndonjëherë është e nevojshme për të mbajtur urinën. Mund të jetë e vështirë për të hyrë në një banjë.

Nuk ka rregulla të vështira për mënyrën se si dhe kur është e sigurt të mbahet urina. Disa njerëz mund të jenë më të prirë ndaj efekteve anësore sesa të tjerët.

Efektet e mundshme anësore nëse mbajmë urinën:

1. Dhimbje

2. Infeksion në traktin urinar

3. Shtrëngimi i fshikëzës

4. Dëmtimi i muskujve të legenit

5. Gurët në veshka

A mund të shpërthejë fshikëza nëse mbajmë gjatë urinën?

Një mit i zakonshëm është që fshikëza do të shpërthejë nëse një person mban urinën për shumë kohë. Edhe pse kjo është jashtëzakonisht e rrallë, është e mundur.

Është shumë më e mundshme që fshikëza thjesht të anashkalojë muskujt që mbajnë urinën, duke shkaktuar personin të ketë një aksident.

Kush është Iluminati?

Illuminati, ose më saktë “Rendi i Illuminati” , ishte emri i një shoqërie sekrete Bavareze të shekullit të tetëmbëdhjetë.

Sipas historiografisë zyrtare, ajo u krijua në Ingolstadt, Gjermani, më 1 maj 1776 nga Johann Adam Weishaupt (1748 – 1830), si një alternativë ndaj Masonerisë , duke supozuar një strukturë të ngjashme.

Emri Illuminati është përdorur shpesh në teoritë e konspiracionit për grupe të dyshuara që do kontrollojnë botën.

Organizimi i sektit ishte i ngjashëm me atë masonik, pati strukturë piramidale dhe shkallë të ndryshme të inicimit të cilat përgjigjej në një ndërgjegjësim progresiv të sekretet e sektit dhe një fuqi më të lartë.

Vetëm adeptët e klasave të larta kanë qenë në dijeni të qëllimit të fundit të Urdhrit të vërtetë Iluminatit.

Më 16 korrik 1782 , nën mbrojtjen dhe bashkëpunimin e princit Ferdinand, Duka i Brunswick “Aaronit,” kokë “formale” e Frimasonerisë, mblodhi në Wilhelmsbad (Gjermani) një takim të përgjithshëm të anëtarëve masonik.

Udhëheqësi i Illuminati nuk mori pjesë personalisht, por dërgoi krahun e djathtë, Knige, një mason i njohur.

Mendohet që masonët janë njerëz të një shtrese politike dhe sociale shumë të lartë nga të gjitha vendet.

Por ja kush jane strukturat e Illuminatit dhe ku shtrihen ato:

Bankat dhe Grupi Monetar 1- Bankat Nderkombetare Qendrore 2- Bankat Qendrore 3- Fondi Monetar Nderkombetar 4- Banka Boterore 5- Banka Nderkombetare e Te Ardhurave 6- Banka Boterore e Kursimeve 7- Korporatat Shumekombeshe 8- Fondacionet

Grupet e Shoqerive Sekrete # Freemasonry # Skull & Bones # Grand Orient Lodge # Grand Alpina Lodge # Knights Templar # Royal Order of the Garter # Priory De Sion # Rosicrucians (Edhe ketu e quajta me vend qe te mos i perktheja emrat sepse keto jane emrat qe njihen sot ne te gjthe boten.

Grupet Politike 1- Udheheqesit e Qeverive te vendeve te ndryshme te botes 2- Kombet e Bashkuara 3- Bilderbergers 4- Komisioni Trilateral 5- Keshilli i Mardhenjeve me Jashte 6- Klubi i Romes 7- Instituti Aspen 8- Korija Bohemiane 9- Federatat Rajonale (Nato, EEC, etj) 10-Sindikatat Nderkombetare te Punetoreve

Grupet e Inteligjences # CIA # KGB # British Intelligence # Mafia/Krimi i Organizuar # Kartelet e Droges # Interpol # Partite Komuniste

Grupet Fetare 1- Keshilli Boteror i Kishave 2- Keshilli Kombetar i Kishave 3- Parlamenti Boteror i Feve 4- Vatican, The Sovereign Military Order of Malta (SMOM) 5- Grupet dhe Kultet e te ashtuquajtures New Age 6- Protestantet Liberal Te Denominuar 7- Unity Church 8- Unitarian / Universalist Church Baha’i 9- Tempulli i Kuptimit

Grupet qe merren me edukimin # UNESCO # World Peace Groups # Planetary Congress # World Constitution and Parliamentary Assoc. # Environmental Groups # Lucis Trust # World Goodwill # World Union # Esalen Institute # Media Establishment

Illuminati quhet ndryshe dhe Vellazeria e fshehte ose The Secret Brotherhood.

Elita e kesaj organizate mbi organizatat, ne pjesen me te madhe kane lindur e tille. Pra jane femije te ish-elites dhe prinderit e tyre kane qene masone, sick kane qene gjysherit dhe stergjysherit.

Ja si eshte shprehur nje nga kreret e Masonve, i gradës me te larte: Eksistojme sot ne kete bote sic kemi ekzistuar prej mijera vjetesh, nje trup i ndriçuar humanesh te gjithe se bashku ne ate qe mundt e quhet Urdheri i Kalvarit. Perbehet nga ata te cilet me forcen e mendimit dhe ate shpirterore kane arritur te gjejne fatin e fshehte te ketij qyteterimi. E ardhmja e ketij fati sekret eshte nje Rend Boteror i drejtuar nga nje Mbret me fuqi te mbinatyrshme.

Ky mbret i ardhshem do jete nje pasardhes i denje dhe pjestar i Urdherit te Illuminati, qenie e denje dhe qe i perket nje familje heronjsh te qenies njerezore. Manly P. Hall 33° Mason./sn/

Aktori i Portokallisë tentoi të vrasë veten, vuante nga depresioni dhe bulizmi

Emisioni i humorit që na shoqëron çdo të dielë, “Portokalli”, prej kohësh ka qenë një prej emisioneve më të ndjekur e më të komentuar nga shqiptarët. Së fundmi, trupa e aktorëve ka pasur disa prurje të reja, ndër të cilët përmendim aktorin Alex Seitaj.

Në një intervistë për ‘Paronama Plus’, Alex ka pranuar se vuante nga depresioni dhe bulizmi. Kjo gjendje e tij ka ndodhur para disa kohësh kur ai ishte ende në shkollë.
“Është mëkat të mos guxosh vetëm sepse të tjerët mund të të tallin apo të reagojnë keq.”- thotë ai.

Aktori rrëfen se si ka mundur të dalë nga kjo gjendje depresioni dhe të heqë dorë nga mendimi për të vrarë veten.
“Tani ajo periudhë është shndërruar për mua si një burim frymëzimi. Unë kam vazhduar të flas kundrejt sensibilizimit të njerëzve ndaj problemeve psikologjike dhe mendore, si depresioni apo ankthi.”

“Më vjen mirë që shumë më kanë shkruar, duke u identifikuar me historinë time dhe duke kuptuar që me guxim dhe ndihmën e duhur gjithçka do të shkojë mirë.”

“Në fund të fundit, historia ime nuk ësh-të një histori dorëzimi, por mbijetese. Dhe këtë duhet ta dinë të gjithë ata që po kalojnë kohë të vështira në jetën e tyre.”

Burimi ‘Panorama Plus’

ANALIZA: Pse të ikurit nga Vetëvendosje ka gjasa të dështojnë?

Nga Blendi Gashi

Ish-vetëvendosësit që aktualisht njihen si “Grupi i Deputetëve të Pavarur” bën shumë zhurmë me largimet e tyre nga partia e Albin Kurtit, dhe në heshtje formuan partinë e re. Por çuditërisht në ditën kur dhanë lajmin për një gjë të tillë nuk treguan as emrin e partisë, as të kryetarit duke lënë në kureshtje opinionin, sigurisht për tu bërë tërheqës për mediat dhe jo vetëm.

Por pak ditë më pas, ish-vetëvendosësit befasuan për të keq, pasi njoftuan se partia e tyre e re në fakt do jetë një parti e vjetër, pra do bartin emrin e Partisë Socialdemokrate të Kosovës (PSD) të Kaqusha Jasharit që është formuar në vitin 1990, pra është partia e dytë më e vjetër pas LDK-së së themeluar nga Rugova.

“Po kemi arritur marrëveshje me partinë Socialdemokrate. Sipas marrëveshjes me 9 Maj do të mbahet Kuvendi, ku do të zgjidhen anëtarët dhe kryetari i partisë. Sipas asaj marrëveshje do të ketë një kandidat. Se cili do të jetë ai kandidat, do të shihet më 9 Maj”, tha ish-vetëvendosësi Dardan Sejdiu, aktualisht kryetari i GDP-së.

Ky i fundit ndërkaq nuk ke në gjendje të tregoi se kush do jetë kryetar i “PSD-së së re”, duke lënë sërish enigmë këtë gjë, sigurisht për tërhequr vëmendjen e mediave.

A është një dështim qysh në fillim?

Edhe pse ish-vetëvendosësit do kenë kryetarin dhe sigurisht fuqinë në këtë parti, pjesë e së cilës do jetë edhe politikania veterane Kaqusha Jashari, me vendimin e marrë ata nuk kanë formuar parti të re sado që paraqiten ashtu në opinion, por janë shkrirë në një parti të vjetër qv asnjëherë nuk arriti ndonjë sukses që la gjurmë në skenën politike, përveç lidhjes së ndonjë koalicioni me partitë e mëdha sa për të marrë ca pushtet.

Këtë parti (PSD e vjetër) e drejtoi për një kohë edhe tashmë deputeti i PDK-së, Agim Çeku (në vitin 2008 në mbledhjen e Këshillit drejtues u zgjodh kryetar), por edhe pse një komandat i njohur, dështoi, edhe pse ishte optimist se do arrinte sukses.

Ish-vetëvendosësit, të cilët pas 9 Majit kur do mbahet Kuvendi do njihen si PSD-istat e rinj, do kenë shumë punë para vetës, e sfida më e madhe do jetë nëse do ta kalojnë pragun zgjedhor (pasi shumica nga ky grup janë ish zyrtarë të partisë Fryma e Re që dështoi më 2010), apo do ta kenë fatin sikur Agim Çeku.

Pra ish-vetëvendosësit që ikën nga Albin Kurti të cilin e akuzuan për kapje të partisë, e që bën një veprim të tillë dhe vet pasi “kapën” PSD-në e vjetër dhe nuk patën guximin të vazhdojnë rrugëtimin me një emër të ri, opinioni përherë do i njeh si ish-VV-ista e jo si PSD-ita.

Edhe Shpend Ahmeti, nëse bëhet kryetar i PSD-së, çdo herë do kujtohet vetëm si kryetar i Prishtinës nga VV, por edhe si themelues i FER-it, por vështirë se mund të lë gjurmë me këtë parti.

Kujtojmë se “Grupi i Deputetëve të Pavarur” u krijua në muajin mars nga të pakënaqurit brenda Lëvizjes Vetëvendosje.

Deputetët të cilët e përbëjnë këtë grup janë: Aida Dërguti, Visar Ymeri, Faton Topalli, Fisnik Ismaili, Dukagjin Gorani, Driton Çaushi, Dardan Sejdiu, Frashër Krasniqi, Dardan Molliqaj, Besa Baftiu, Salih Salihu dhe Shqipe Pantina. (tesheshi)