Në magjistralen Bar-Ulqin këtë mëngjes, rreth orës 7:20 ka ndodhur një aksident i rëndë trafiku.
Siç raportojnë mediat malazeze, përcjell Telegrafi, nga ky aksident ka mbetur i vdekur Ervin Nikesiç, 19 vjeçar.Gjithashtu, siç bëhet e ditur tutje, edhe disa persona të tjerë kanë pësuar lëndime të rënda trupore, të cilët janë dërguar në Spitalin e Përgjithshëm në Bar.
Në një aksident, i cili ndodhi në një tunel nga drejtimi i Barit në Ulqin, morën pjesë tri vetura dhe një kamion.
Po sipas mediave vendase, në vendin e ngjarjes janë parë ekipet mjekësore, zjarrfikësit dhe oficerët e policisë, ndërsa trafiku midis Barit dhe Ulqinit është ndërprerë. /Telegrafi/
