Ballina Bota GJENERALI UKRAINAS: NE PRESIM NJË SULM RUS NË FUND TË JANARIT OSE...

GJENERALI UKRAINAS: NE PRESIM NJË SULM RUS NË FUND TË JANARIT OSE SHKURTIT TË VITIT TË ARDHSHËM

Rusia ka “përqendruar” më shumë se 92,000 trupa pranë kufijve të Ukrainës dhe po “përgatitet për të sulmuar” në fund të janarit ose në fillim të shkurtit 2022. Kështu deklaroi në një intervistë për edicionin ushtarak amerikan Military Times, gjenerali Kiril Budanov, kreu i inteligjencës ushtarake të Ukrainës.

“Një sulm i tillë ka të ngjarë të përfshijë sulme ajrore, artileri dhe sulme tankesh në lindje, të ndjekura nga sulme ajrore në Odesa dhe Mariupol,” tha gjenerali. Sipas tij, territori i Bjellorusisë do të përdoret për “pushtim” të Ukrainës. Gjenerali shprehet se në këtë përfundim ka ardhur pas stërvitjeve ruso-bjelloruse “Perëndim – 2021” të mbajtura këtë vit. Budanov tha se pasojat e një sulmi hipotetik do të ishin më katastrofike për Ukrainën sesa konflikti i armatosur në Donbas.

Sulmi që po përgatit Rusia, tha Budanov, do të jetë shumë më shkatërrues se sa është parë deri më tani në konfliktin që filloi në vitin 2014, në të cilin u vranë rreth 14,000 ukrainas.

Në një deklaratë për Washington Post të premten, ministri i ri i Mbrojtjes i Ukrainës, Oleksiy Reznikov tha se ishte ende e paqartë nëse presidenti rus kishte vendosur të sulmonte.
Dhe inteligjenca amerikane ka paralajmëruar aleatët evropianë për kërcënimin në rritje të një pushtimi rus të Ukrainës me fillimin e dimrit, sipas CBS News.

“Pushtimi varet nga moti, por mund të ndodhë brenda disa javësh nëse nuk ka ndërhyrje perëndimore”, thanë zyrtarët për CBS. Burimet theksojnë se akumulimi i supozuar i trupave ruse në kufirin me Ukrainën ka tejkaluar kohët e fundit veprimet e mëparshme të ngjashme nga autoritetet ruse./TetovaNews

Artikulli paraprakMë shumë se 9 mijë raste të reja me COVID në Itali dhe 46 viktima
Artikulli tjetërDisa mënyra se di mund ta trajtoni shtypjen e lartë të gjakut