Ballina Sport Angli-Iran hyn në histori, ndeshja më e gjatë e një Botërori

Angli-Iran hyn në histori, ndeshja më e gjatë e një Botërori

Përveç rezultatit të thellë 6-2, përballja Angli-Iran do të mbahet mend në historinë e futbollit dhe si ndeshje më e gjatë në një botëror.

Kjo për shkak të ndërprerjeve të shumta të lojës gjatë 45 minutave në të dyja pjesët e takimit, që detyroi arbitrin e katërt të japë një kohë shtesë shumë të gjatë.

Kështu, në pjesën e parë, për shkak të dëmtimit të portierit iranian, u dhanë plotë 14 minuta lojë, ndërsa në pjesën e dytë 10, por dhënia e penalltisë në fund dhe ndërhyrja e VAR e detyroi arbitrin të shtojë dhe 2 minuta.

Në total ndeshja Angli-Iran zgjati përtej 115 minuta.

Po kështu, një tjetër moment për t’u shënuar në këtë ndeshje është se Irani bëri plot 6 zëvendësime. Rregullorja e re e aplikuar për herë të parë në Botërorin e Katarit e lejon një ekip të bëjë një ndërrim shtesë kur një prej lojtarëve pëson një dëmtim të rëndë në kokë.

Artikulli paraprakLufthansa do të punësojë 20 mijë punëtorë të rinj
Artikulli tjetër“Makina u fik në ujë, vajza doli me litar”, kryebashkiaku Marinaj tregon dinamikën e ngjarjes ku vdiqën babë e bir