PSG do të paraqitet më 6 gusht në grumbullim. Praktikisht vetëm 7 ditë përpara finales së Superkupës së Europës në Udine kundër Tottenham, e planifikuar për më 13 gusht. Një zgjedhje befasuese nga ana e Luis Enrique, i cili, përveç ndonjë tërheqjeje të jashtëzakonshme, do të nisë sezonin e ri me 5 lojtarë të ndarë nga grupi: Kolo Muani, Skriniar, Asensio, Soler dhe Mukiele. Trajneri spanjoll i konsideron këta futbollistë jashtë projektit teknik të francezëve, kampionë të Europës, të cilët humbën finalen e fundit të Kupës së Botës për Klube kundër Chelsea.
Një situatë jo e këndshme, e cila megjithatë ka ndezur disa pista merkatoje për këta lojtarë, por me një kusht, një vijë e vendosur nga PSG: të mos shiten lirë. T’i konsiderosh jashtë projektit, po, por jo t’i shesësh për pak, përndryshe rrezikojnë të mbeten pa luajtur. Kjo është ajo që ka vendosur klubi për të filluar më pas të dëgjojë të gjitha zërat nga klubet e ndryshme të Europës të interesuara. Copat më të kërkuara janë megjithatë Randal Kolo Muani dhe Milan Skriniar. Për të parin ka interes konkret nga Juventusi, skuadra e preferuar edhe nga lojtari që ka qenë pjesë e bardhezinjve deri para disa javësh në Kupën e Botës për Klube. Për mbrojtësin ish-Inter, ndërkohë, është rihapur pista Fenerbahçe.
Operacionet, pra, mund të mbyllen, por pikërisht për shkak të kësaj vije të vendosur nga PSG, zor se do të zgjidhen në kohë të shkurtër. Në rastin e Kolo Muani, lojtari do vetëm Juventusin, që mund të propozojë një huazim të ri, ndoshta të kushtueshëm, me mundësi vlerësimi të detyrimit për blerje në fund, por me shifra të leverdishme, ndryshe nga 40-50 milionët që PSG synon të arkëtojë. Klubi, për këtë arsye, po pret të shohë nëse ndonjë skuadër nga Premier League, si Newcastle apo Manchester United, është e gatshme ta investojë atë shumë.
Situata në merkato e Skriniar dhe të përjashtuarve të tjerë
I njëjti diskutim vlen për Skriniar, për të cilin PSG kërkon 20 milionë euro, një shumë që Fenerbahçe e konsideron shumë të lartë dhe shpreson ta ulë në ditët në vijim. Mbrojtësi ishte në huazim pikërisht në Turqi në pjesën e dytë të sezonit të kaluar dhe sërish nën drejtimin e Mourinhos. Më e lehtë për t’u zgjidhur është situata e Soler, i cili ka pasur një kontakt me Villarreal, ku ish-trajneri i tij Marcelino ka miratuar një transferim të mundshëm. Për Marcos Asensio, nga ana tjetër, ende nuk ka asnjë mundësi konkrete transferimi, pasi edhe tentativa e Fenerbahçes për ta marrë nuk pati sukses: lojtari po shqyrton destinacione të tjera.
