Gjatë vizitës në Komunën e Zhelinës, pata mundësinë të vizitoj nga afër disa prej kompanive vendore – Kipper, Liberta dhe EFAL döner kebap produktion i cili ka lënë Zvicrën për të investuar në Maqedoni të Veriut, më konkretisht në fshatin Çiflik, shkruan ministri i Ekonomisë dhe Punës së Maqedonisë së Veriut, Besar Durmishi.
Nga afër u njoftova me punën, përkushtimin dhe sfidat me të cilat përballen bizneset, të cilat janë shtyllë e rëndësishme e zhvillimit ekonomik lokal.
Ministria e Ekonomisë dhe Punës vazhdon të mbështesë kompanitë përmes politikave dhe instrumenteve konkrete, në veçanti përmes Ligjit për Mbështetje Financiare të Investimeve, i cili mundëson zhvillim, rritje dhe hapje të vendeve të reja të punës.
Mbështetja e sektorit privat mbetet prioritet, me qëllim krijimin e një ekonomie më të fortë dhe më konkurruese.
