Polici i njësisë speciale EBR, Gentian Dauti i revoltuar nga trajtimi i shqiptarëve në EBR, ka shkruar një shkrim ku u është drejtuar udhëheqësve shqiptarë!

Ky është shkrimi i tij:

Kushtuar: Ministrave ,zëvendës Ministrave e gjithë juve që jeni nëpër poste shtetërore. Shum thjesht mund të themi i kemi të drejtat e barabarta ,por ejani në Njësitin Special “EBR” dhe do t’i shikoni të drejtat tona se sa të “drejtat e barabarta i kemi” ndoshta dikush ju gënjen për gjendjen tonë këtu ,por duhet të pyetni pak me gjërësisht .

Të drejtat e shqiptarëve janë roje e bazës që nëpër vende tjera kan qenë te përgaditur për roje rajoni .

A i dini postet e Shqiptarëve këtu ju të lartëpërmendurit ; ju tregoj unë gjithë te vërtetën.

Komandant i njësitit (Командант на Единицата) është maqedon, zëvendësi maqedon , 3 ndihmës Komandanta janë maqedon, Komandanta te objekteve (Командири на чета) janë 10 dhe ndihmës 10 domethënë as 1 Shqipëtar , Komandant udhëheqës (Командир на вод) të 30 policëve ka vetëm 1 Shqipëtar gjithësej prej 15, udhëheqës si (лидер) i 5 policëve ka vetëm 8 Shqipëtar gjithësej prej 72, Instruktora prej 20 asnjë Shqipëtar ,nëpër shtabe asnjë Shqipëtar me cfarë fjalësh dilni e tregoni që i kemi të drejtat e barabarta??

Gjithësej jemi vetëm 30 ndërsa Maqedon 500 a mos është përqindja e barabart as 5% nuk jemi .

I vetmi përmirësim kemi në kuzhinen e Ebr’s -3 shqipëtar të punësuar(cfarë ironie).

Mos të flasim për njësin speciale Tigra (специјална единица Тигри)që ska asnjë Shqiptar .

Skemi një njeri që të na përkrah dhe mbështes sepse ato që i kishim si përkrahje i përjashtuat nga njësia .
Edhe kërkojm që të largohemi nga kjo njësia çdo ditë hasim nëpër pengesa ku nga të gjithë që rrin në përgaditje (rrin gjithë ditën flejnë në krevatet )ndërsa ne Shqipëtaret kujdesemi për bazën sepse ne nuk dimë të rrimë dhe flejmë si ata…
Nëse bëhet fjalë për udhëtim për në punë nëse është nga Velesi apo Shtipi ka udhëtim ,sepse janë të organizuar edhe kanë përkrahje ,shkruhen që të gjithë ne punë ne të njejtën kohë, kurse ne duhet që të udhëtojmë me vetura private…
Ka edhe më shumë Ministra edhe ju Zv. Ministra por angazhoheni edhe ejani na vizitoni .

Dhe këtë postim nuk e kam bërë që të marr poste ,sepse posti im dihet që së shpejti do të jetë gurbeti, këtë post e kam bërë që të dini të vërtetën e njësisë speciale EBR dhe të merrni masa për këte çështje, mos e merrni këtë si sharje apo ofendim kundër juve, por merreni dhe përmirësojeni gjendjen e Shqiptarëve nëpër të gjithë institucionet edhe le ta shoh edhe premieri (Zoran Z.) këtë post që për një periudhë të shkurtë u bë me Shqiptarët se shqiptarët e votuan..

Gentian Dauti

Qytetarët e anketuar nga TVM2 shprehen se rritja e çmimit të naftës është i papërballueshëm për ata, duke pasur parasysh faktin që rrogat mesatare në Maqedoni janë shumë të ulëta.

“Shumë është i shtrejtë, tepër. Nuk është problemi vetëm tek akcizat edhe përkundër kësaj çmimi del të jetë shumë i shtrejt. Kjo ndikon edhe në xhepin e qytetarëve, sidomos për ata që vozisin për çdo ditë d.m.th. në fund të muajit del të jetë një shpenzim i madh…

“Pak po është i shtrenjtë. Ndikon edhe në xhepin e qytetarëve pasi edhe rrogat janë dobët, pra ndikon edhe atë shumë…

“Çmimi i lartë i benzinës paraqet një problem për qytetarët e Maqedonisë. Çmimi i benzinës duhet të jetë më i ulët”, shprehen qytetaret.

Ndërkohë sipas profesorit universitar Afrim Osmani, rritja e çmimeve të derivateve do të rëndoj më shumë në xhepin e qytetarit të thjesht. Ai thekson rritja e çmimit aspak nuk ka për synim që jep efekte në uljen e ndotjes së ambientit.

“Rritja e çmimeve të derivateve të naftës tek ne e prek sado qoftë, nuk mund ti ikim asaj se e prek xhepin e qytetarit edhe atë në shumë aspekte. Pa dyshim se rritja e çmimit të naftës do të ndikoj drejtpërdrejt edhe në uljen e numrit të përdoruesve të automjeteve. Por në përgjithësi nuk është ky qëllimi i ndërmarrjes së kësaj mase, për arsye se jo vetëm kjo qeveri por edhe qeveritë paraprake, nëse i analizojmë veprimet që kanë ndërmarr në luftimin e ndotjes së ambientit kanë qenë jo serioze”, shprehet profesori universitar Afrim Osmani.

Komisionit Rregullator I Energjetikës javën që lamë pas, vendosi që çmimet e benzinës dhe dizelit me pakicë ti shtrenjtoje për dy denarë.

Kreu i Komunës së Gostivarit Arben Taravari dhe kryetarja e Komunës së Tetovës Teuta Arifi, japin qëndrime kontradiktore sa i takon fillimit të investimit të premtuar në deponinë Rusino. Edhe për këtë vit, si donator për rregullimin e Rusinos u paraqit Qendra Zvicerane për Zhvillim, por dy krerët e komunave nuk e dinë me saktësi se kur ky investim do të fillojë të realizohet. Sipas Taravarit, investimi do fillojë brenda muajit, e sipas Arifit, gjatë vitit do të behet projekti i investimeve.

Po tash e di se prej kur jam takuar unë disa herë me zviceranët por edhe me kryetarët tjerë të komunave të regjionit të Pollogut, premtimet ishin se në pjesën e dytë të vitit do nisin punimet për rregullimin e rrugës nga Bajnica në Rusino, dhe shpresoj se pjesa e dytë e vitit është qershori, korriku, gushti – pohoi Arben Taravari. Kryetar i komunës së Gostivarit.

Ata janë në fazën e përgatitjes së studimit të fizibilitetit që është bazamenti në bazë të të cilës ata do vazhdojnë më tutje. Sipas tyre studimi i fizibilitetit parasheh periudhë një vjeçare dhe mandej të kalohet në rregullimin, standardizimin dhe sanitarizimin e deponisë Rusino – tha  Teuta Arifi, Kryetare e regjioni planor të Pollogut.

Pas kësaj, edhe për këtë vit shuhen shpresat e gostivarasve për rregullimin e rrugës dhe pastrimin e deponisë. Edhe më tej vazhdon të ndotet toka dhe të mbjellat e fshatrave rreth Rusinos, si nga mbetjet, po ashtu edhe nga ky ujë i zi që përfundon në fusha. Si pasojë e mos mbajtjes së premtimeve për investime, ndotja e tokës, ajrit dhe ujit në këtë pjesë ka filluar të përhapet edhe në fushat e Pollogut. Kjo vjen pas ndalesës për hedhje të mbeturinave në Rusino në kohën kur komunat rurale ankohen që s’kanë mundësi për t`i dërguar mbeturinat në Drislla të Shkupit.

Në radhë të parë ne si rajon do kemi një studim fizibiliteti, që për ne ajo është “A”-ja e shumë proceseve tjera dhe me partner serioz sikurse është shteti Zviceran shanset janë më të mëdhaja për të gjetur zgjidhje – theksoi Sinkron: Teuta Arifi, kryetare e regjionit planor të Pollogut.

Do mundohemi aq sa mundemi të rregullojmë, gjithnjë flas me ndërmarrjet që funksionojnë në kuadër të komunës së Gostivarit po normalisht nuk mund t`i zgjidhim problemit derisa kompetencat i ka dikush tjetër – shtoi Arben Taravari, kryetar i kom. së Gostivarit.

Qendra Zvicerane për Zhvillim për pastrimin, drenazhin dhe sanitarizimin e deponisë ka ndarë 7 milion franga. Projekti do të menaxhohet i tëri nga zviceranët.

Bashkim Sulejmani

Janë publikuar pamjet e realizuara me dron nga protesta e djeshme masive e mbështetëse të VMRO-së para Qeverisë në Shkup, ku ndër të tjera u kërkua mbajtja e zgjedhjeve të parakohshme parlamentare.

Maqedonia pritet të shkojë sërish në zgjedhje të reja të parakohshme parlamentare. Kërkesa është bërë mbrëmë nga ana e liderit të VMRO-DPMNE, Hristijan Mickoski, i cili tha se patjetër duhet të mbahen ato.

“Patjetër duhet të ketë zgjedhje të parakohshme parlamentare së bashku me ato presidenciale, te zgjedhim kryetarin e KSHZ në propozim të opozites, të krijojmë qeveri teknike dhe të shkojmë në zgjedhje dhe ta shohim se a janë të kënaqur qytetarët me këtë që po e bën Zoran Zaev dhe LSDM-ja”, theksoi Mickoski gjatë tubimit antiqeveritar.

Por LSDM menjëherë ka reaguar por duke mos pranuar drejtpërdrejt sfidën e bërë nga Mickoski. Nga kjo parti kanë rikujtuar atë se ka rejting tejet të vogël, ndërsa LSDM është partia që ka arritur besim të madh tek qytetarët. Megjithatë siç mëson INA, kryeministri dhe lideri i LSDM, Zoran Zaev pas 20 qershorit pritet të pranojë sfidën për zgjedhje, në rast se nuk do të arrihet zgjidhje për kontestin e emrit. Një zyrtar i Qeverisë i pyetur nga INA tha se nuk përjashtohet edhe kjo mundësi, por gjithçka do të varet nga rrjedha e bisedimeve për emrin. Kryeministri Zaev edhe më parë nuk ka përjashtuar mundësinë e mbajtjes së zgjedhjeve të reja, por që sipas tij ato nuk do të ndodhnin gjatë 2018.

Në rast se do të ketë marrëveshje për të shkuar në zgjedhje të parakohshme parlamentare, atëherë tajmingu i tyre do të jetë me ato presidenciale nga prilli ose maji i 2018. (INA)