Prokuroria për krim të organizuar ndërron mendjen. Kryeministrin Zoran Zaev nuk do ta ndjek për mitmarrje, por për kërkim të parave nga biznesmeni Ivan Nikolov nga Strumica për rastin “Ryshfeti”. Me rikualifikimin e aktakuzës, është ulur edhe lartësia e dënimit të paraparë me burg, gjegjësisht prej minimum 5 vite, tani vepra me të cilën ngarkohet Zaev dënimi është prej 1 deri 5 vite.

Për shkak të rikualifikimit, gjykatësi Darko Todorovski, aktvendimin do ta sjellë vetë, pa kolegen e tij, Dobrila Kacarska. Prokuroria kërkoi që Zaev të gjykohet për mitmarrje, ndërsa avokatët e tij kërkuan aktvendim lirimi. Ndërsa Zaev u shpreh se do ta respektojë vendimin e gjykatës, pa marrë parasysh se si është. Në rikualifikimin e veprës, ai vëren përpjekje të prokurorisë për krim të organizuar të kompensojë turpin nga rasti, i cili siç tha, i është montuar.

Me siguri nuk tërhiqen nga aktakuza, është e drejtë e tyre dhe e respektoj deri në fund, edhe pse është e qartë si dita, sipas bindjes time, që deri në fund të mos e vërtetojnë vetë prokurorët turpin ndaj prokurorisë për krim të organizuar që bartte kjo lëndë – deklaroi Zoran Zaev.

Filmimi i fshehtë në kabinetin e kryetarit të Strumicës, pas rikualifikimit të veprës, nuk do të vlejë më. Kryeministri shpreson që kallëzimet penale ndaj prokurorëve të krimit të organizuar, të dorëzuara kur u hap rasti “Ryshfeti”, do të procesohen pasi e kanë urdhëruar dëshmitarin se si të veprojë.

Tashmë është e qartë, dëshmitari e përsëriti, se si e kanë montuar, si e kanë detyruar, thjeshtë e palejueshme… – theksoi ai.

Aktvendimi për rastin ryshfeti do të shqiptohet të hënë./am/

Zëdhënësi i PDSH-së, Luan Tresi, pas mbledhjes së Kuvendit Qendror deklaroi se është sjellur vendim që PDSH-ja ta përkrahë ofertën e kryeministrit Zoran Zaev, dhe PDSH-ja të jetë pjesë e koalicionit qeveritar.

Gjithashtu Tresi tha se ministër pa resor për Investime të Huaja do të jetë, Bardhyl Dauti ish kandidat për të parin e Komunës së Tetovës dhe zëvendësministër i Transportit dhe Lidhjeve inxhinieri i njohur Mitasim Beqiri.TV21

Ish kryeministri Nikolla Gruevski ka pasur 91 këshilltarë dhe bashkëpuntorë të jashtëm për të cilët në vit janë ndarë 1,73 milionë euro.

Nga Qeveria e Maqedonisë njoftojnë se ndjekin parimin e transparencës, dhe të gjithë këshilltarët e kryeministrit Zoran Zaev janë publikisht të prezantuar në ueb-faqen e Qeverisë.Ndërsa, që të bëj opinioni krahasimin me punën e Qeverisë së kaluar, i prezantojnë shpenzimet e pagave për 91 këshilltarët dhe bashkëpunëtorët e jashtëm të ish kryeministrit Nikolla Gruevski, që kanë kapur shifrat deri në 1,73 milionë në vit./tv21/

Edhe pse përpara 10 ditëve u mbajt protestë në Tetovë kundër hapjes së kazinos në Reçicë të Vogël, pronarët e objektit vazhdojnë me punët përgatitore për hapjen e objektit për lojëra të fatit, njofton Portalb.mk.

Një qytetar i vendit, deri në redaksinë e Portalb.mk, ka dërguar fotografi dhe video ku shihet se si në objektin e kazinos vazhdojnë punimet dhe vendosen pajisje dhe mjete teknike.

Për më shumë shiheni videon:

Në Gjykatën Penale sot duhet të thuhen fjalët përfundimtare për rastin “mitmarrja” ku akuzohet kryeministri Zoran Zaev.

Seancën e kaluar në seancën e rastit është parë videoja që ka të bëjë me rastin dhe e cila është publikuar në “Youtube”. Gjykata ka konstatuar se ekzistojnë tre ndërprerje të video-incizimit.

Në rastin “mit-marrja” kryeministri Zoran Zaev sipas akuzës ngarkohet se në cilësinë e personit zyrtar si kryetar i Komunës së Strumicës, nga biznesmeni, Ivan Nikollov, ka kërkuar mito prej 163.924 euro.

Më 18 maj pas takimit të kryeministrave Zaev dhe Cipras që do të mbahet në Sofje, për vizitë zyrtare në Shkup do të udhëtojë kryeministrja britanike Theresa May.

Ajo do të realizojë takime me kreun politik e shtetërorë në vend ndërkohë që është vizita e parë e një përfaqësuesi të lartë britanik në Maqedoni pas një kohe bukur të gjatë./zhurnal/

Po afrohet data për mbajtjen e Samitit të NATO-s i cili është paraparë në muajin korrik, ndërkaq Maqedonia ende është në fazën e negociatave për zgjidhjen e çështjes së emrit, problem ky i cili pengoi vendin që nga 1999 që të merr ftesën për anëtarësimin në Aleancën.

Ish Ambasadori i Maqedonisë në NATO, Nano Ruzhin thotë për Portalb.mk, se edhe nëse Maqedonia nuk merr ftesë për anëtarësim gjatë Samitit, nuk duhet të humbet optimizmi.

“Tani jemi në fazën e optimizmit sa i përket eurointegrimeve dhe kjo që nuk duhet humbur edhe nëse nuk marrim ftesë për anëtarësim në Samitin i cili do të mbahet në korrik të këtij viti, sepse ftesa mund të jepet edhe jashtë samitit.

Disa herë në vit Ambasadorët e NATO-s mblidhen dhe diskutojnë për çështje të ndryshme dhe në këto takime mund të diskutohet edhe mundësia për marrjen e ftesës dhe kjo mund të ndodh edhe pasi të kalon Samiti.

Andaj shpresoj që optimizmi mos të humbet dhe të vazhdohet në rrugën e eurointegrimeve dhe zgjidhjes së çështjes së emrit me Greqinë”, tha për Portalb, Ruzhin.

Sot po mban mot i vranët. Pritet të ketë të reshura të shiut. Parashikohet të fryjë erë në drejtimin jugor. Gjatë pasdites dhe në orët e mbrëmjes pritet që të ketë të reshura më të theksuara dhe vetëtima.

Temperatura e mëngjesit do të lëvizë nga 8°C e deri më 14°C, kurse ajo ditore do të lëvizë nga 19°C e deri më 28 gradë celsius.

Përmbytja e krijuar nga shiu, dje u shkaktoi probleme shitësve të luleve. Tashmë disa ditë ata edhe përmes protestës shprehën pakënaqësinë për zhvendosjen e tyre nga një vend në tjetrin. Lokacioni i ri ku janë vendosur shitësit ambulantë nga mosfunksionimi i kanalizimit u mbush me ujë.

Ky faktor nuk u shkaktoi dëme të rënda materiale siç treguan shitësit, porse ua ka larguar blerësit dhe ua ka vështirësuar punën. Të revoltuar dhe të pashpresë nga gjenda e tyre, shitësit ambulantë nuk deshën të flasin para kamerës.

Ata na treguan që me iniciativë të tyre kanë rregulluar me çimento një pjesë të hapsirës, që sado pak të mbrohen nga grumbullimi i ujit. Atyre u është premtuar nga Ndërmarrja Publike e Ujësjellësit dhe kanalazimit që të hënën ky problem të rregullohet.

“Ujë i madh ka qenë këtu. Dy orë tre nuk kemi mundur ta largojmë ujin. Pastaj filloi uji të dal përmbi lule. Na premtuan që dp ta rrgullojnë kanalizimin, ngaqë kanalizmi qenka shumë I zënë, që para 30 vitesh qenka I prishur. Vështirë ka qenë shumë, vështirësi e madhe. Dje nga uji s’kanë mundur të kalojnë as gratë as të tjerët që kanë qenë këtu. Nuk e dinim se si do të kalojnë nga pjesa tjetër. Ka patur edhe fëmijë ata u frikësuan dhe fillonin të qanin”, tha për TV21, shitësi Zulqefli Qaili.