Ballina Kronika Tragjike, vetëvritet në burg 29-vjeçari shqiptar në Itali

Tragjike, vetëvritet në burg 29-vjeçari shqiptar në Itali

Në minutat e para të vitit 2022 një i burgosur shqiptar është gjetur i vëtëvrarë në burgun e Salernos në Itali.

Mediat në Itali bëjnë me dije se i burgosuri ishte 29 vjeç, por identiteti i tij nuk është bërë ende i ditur.

Mësohet se ai është gjetur i varur në hekurat e dritares së qelisë, por edhe pse personeli i ka dhënë ndihmën e parë nuk kanë arritur që ta mbajnë në jetë.

Shqiptari ka qenë i vetëm në qeli dhe nuk dihen ende rrethanat se si ka vrarë veten, pasi askush nuk ishte në dijeni të këtij akti të rëndë.

Ngjarja e rëndë ka shqetësuar të gjithë personelin e burgut, por dhe të dënuarit e tjerë. Vetëvrasja e shqiptarit ka ringritur edhe njëherë alarmin për problemet që kanë burgjet në Itali.

Në 20 vitet e fundit janë shënuar më shumë se 23 mijë tentativa vetëvrasjesh në burgje./tvklan.al

Artikulli paraprakDy persona të zhdukur në fundvit, një burrë nga Tetova dhe një grua nga Kumanova
Artikulli tjetërFëmija i parë i 2022 në Tetovë një vajzë/ Kasami: I dëshiroj jetë të gjatë e të lumtur! (VIDEO+FOTO)