Është publikuar fotografia e viktimës së vrarë në Baks të Skënderajt.
Siç raporton media lokale veriu.info, mbëmë në Baks u vra Besim Musliu.
Në media u raportua se 47-vjeçari i vrarë ishte nga diaspora.
Lidhur me rastin janë konfiskuar një AK 47 dhe një pushkë gjuetie.
Dy të dyshuarit janë arrestuar dhe me vendim të prokurorit janë dërguar në mbajtje.
Trupi i pajetë i viktimës është dërguar në IML për obduksion.
Policia jep detaje për ngjarjen e rëndë mbrëmë në Baks të Skenderajt
Një vrasje e rëndë ka ndodhur mbrëmjen e djeshme në Baks të Skenderajt. Lidhur me këtë nga Policia e Kosovës kanë deklaruar se raportuar se në rrethana të panjohura janë plagosur mes veti tre meshkuj kosovarë.
“Dy të lënduar janë dërguar në emergjencën e Skenderajt, njëri nga ata ka ndërruar jetë, ndërsa tjetri është dërguar në QKUK, kurse i treti është dërguar fillimisht në emergjencën e Drenasit e më pas në QKUK. Nga të dyshuarit janë konfiskuar një AK 47 dhe një pushkë gjuetie”, thuhet në raportin e policisë.
Me vendim të prokurorit, trupi i pa jetë është dërguar në obduksion, ndërsa dy të dyshuar dërgohen në mbajtje.
